विपतपुर मुक्तकमैया शिविरमे आगलागी, आधा बस्ती जरके नष्ट

पहुरा समाचारदाता
धनगढी, ११ बैशाख । कैलालीके कैलारी गाउँपालिका वडा नम्बर ७ विपतपुर मुक्तकमैया शिविरमे आगलागी हुइल बा ।

आगलागीसे ५० घर ढिउर जरके नष्ट हुइल बा । शिवरमे ७० से ढिउर घरधुरी रहल बा । आगलागी आभिन नियन्त्रणमे आइल नैहो । गोहुँक लर्वामे लगाइल आगी जोँजा हावासे उराके बस्तीमे आगलागी हुइल जनाइल बा ।

टीकापुरसे आइल दमकल ओ स्थानीय आगी नियन्त्रणमे लेना प्रयासरत रहल रामपुरके भलमन्सा रामलाल चौधरी जानकारी डेलै ।