थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २८ सावन २६४६, शनिच्चर ]
[ वि.सं २८ श्रावण २०७९, शनिबार ]
[ 13 Aug 2022, Saturday ]

एमाले कैलालीसे ११ पालिकामे उम्मेदवार टुंगो, उम्मेदवारी काल्ह

पहुरा | ११ बैशाख २०७९, आईतवार
एमाले कैलालीसे ११ पालिकामे उम्मेदवार टुंगो, उम्मेदवारी काल्ह

पहुरा समाचारदाता
धनगढी, ११ वैशाख ।
आसन्न स्थानीय निर्वाचनके लाग नेकपा एमाले कैलाली ११ ठो स्थानीय तहके उम्मेदवारके टुंगो लगैले बा ।

केन्द्रीय सचिवालय बैठकसे धनगढी उपमहानगरपालिकाके मेयर ओ उपमेयरसहित ११ ठो स्थानीय तहके उम्मेदवारके टुंगो लगैले बा । कलेसे मनोनयन दर्ता भर बैशाख १२ गते कैना जनैले बा । एमालेसे धनगढी उपमहानगरपालिकाके मेयरमे रणबहादुर चन्द ओ उपमेयरमे कन्दकला रानाथारुहे उम्मेदवार बनैना भर आघे करसेकल रहे । एमाले प्रदेश कमिटीके सचिव धर्मराज पाठक जिल्ला कमिटीसे पठाइल आकांक्षीके सूचीके आधारमे उम्मेदवार चयन करल जानकारी डेलै ।

उहाँक अनुसार टीकापुर नगरपालिकाके मेयरमे श्याम खत्री ओ उपमेयरमे अनुपा केसी, लम्कीचुुहा नगरपालिकाके मेयरमे महादेव बजगाईं ओ उपमेयरमे जुना चौधरी, घोडाघोडी नगरपालिकाके मेयरमे ममताप्रसाद चौधरी ओ उपमेयरमे करुणा बम बटाला, गौरीगंगा नगरपालिकाके मेयरमे पदम सिंगाल ओ उपमेयरमे शान्ति सिंह, गोदावरी नगरपालिकाके मेयरमे गोकर्ण भट्ट ओ उपमेयरमे शारदा रोकाया तथा भजनी नगरपालिकाके मेयरमे हर्क बुुढा ओ तुलसी चौधरी उम्मेदवार बन्ना हुइल बटै ।

जानकी गाउँपालिकाके अध्यक्षमे टेकबहादुर बम ओ उपाध्यक्ष गीता चौधरी, जोशीपुर गाउँपालिकाके अध्यक्षमे केशरबहादुर डंगौरा ओ उपाध्यक्षमे रमादेवी भुल, कैलारी गाउँपालिकाके अध्यक्षमे झुमा चौधरी ओ उपाध्यक्षमे जालुुराम चौधरी तथा बर्दगोरिया गाउँपालिकाके अध्यक्षमे कर्ण कुँवर ओ ईन्दुु चौधरी सर्वसम्मत उम्मेदवार बनल पाठक बटैलै । मोहन्याल ओ चुरे गाउँपालिकाके उम्मेदवारके भर टुंगो लागे नइसेकल हो ।

जनाअवजको टिप्पणीहरू