थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ३० सावन २६४६, सोम्मार ]
[ वि.सं ३० श्रावण २०७९, सोमबार ]
[ 15 Aug 2022, Monday ]
‘ कैलालीमे तीन दलीय गठबन्धन ’

कांग्रेस ७, माओवादी ४ ओ समाजवादीहे २ पालिका

पहुरा | १२ बैशाख २०७९, सोमबार
कांग्रेस ७, माओवादी ४ ओ समाजवादीहे २ पालिका

पहुरा समाचारदाता
धनगढी, १२ वैशाख ।
कैलालीमे सत्तारुढ गठबन्धनसे इहे वैशाख ३० गते हुइना स्थानीय तहके निर्वाचनमे चुनावी तालमेल कैके जैना सहमति करले बा । लम्मा प्रयासपाछे अँट्वारके मध्यरातमे गठबन्धनबीच चुनावी तालमेलबारे सहमति जुटल हो ।

सहमतिअनुसार १३ ठो स्थानीय तहमध्ये नेपाली कांग्रेस ७, माओवादी केन्द्र ४ ओ नेकपा (एकीकृत समाजवादी) पार्टी २ ठो पालिका पैना हुइल बा ।

कांग्रेस कैलालीके सभापति नारायणदत्त भट्ट कांग्रेस धनगढी उपमहानगरपालिका सहित लम्कीचुहा नगरपालिका, गोदावरी नगरपालिका, टीकापुर नगरपालिका, बर्दगोरिया गाउँपालिका, जानकी गाउँपालिका, जोशीपुर गाउँपालिका पैना सहमति हुइल जानकारी डेलै ।

ओहकान अनुसार माओवादी केन्द्र गौरीगंगा नगरपालिका, भजनी नगरपालिका, कैलारी गाउँपालिका ओ मोहन्याल गाउँपालिका तथा एकीकृत समाजवादी घोडाघोडी नगरपालिका ओ चुरे गाउँपालिकामे उम्मेदवार उठैना सहमति हुइल हो ।

पालिकामे कांग्रेस प्रमुख पदमे उम्मेदवार उठैना ठाउँमे माओवादी उपप्रमुख पैले बा कलेस माओवादी प्रमुख उठैना ठाउँमे कांग्रेस उपप्रमुखके उम्मेदवार उठैना बा । मने एकीकृत समाजवादीहे भर गोदावरी नगरपालिकामे किल उपप्रमुख डेहल बा ।

२०७४ सालके निर्वाचनमे कांग्रेससे जिटल वडामे कांग्रेसके उम्मेदवार ओ मओवादीसे जिटल वडामे माओवादीके उम्मेदवार उठैना सहमति हुइल बा कलेसे एकीकृत समाजवादीसे एमालेसे विभाजित होके पाइल वडा किल पैना बा ।

गत निर्वाचनमे एमालेसे जिटल २४ वडामे भर तीनु दलके दरसे लेना सहमति करले बाटै । कैलालीमे सत्तारुढ गठबन्धनभिट्टर भागबन्डा जिल्लास्तरीय नेतृत्वसे टुंग्याइ नैसेकलपाछे प्रदेशके जिम्मा डेहल रहे । प्रदेशसे फेन ढिउर प्रयासपाछे किल सहमति करल हो ।

जनाअवजको टिप्पणीहरू