आगलागी पीडितहे मन्त्री रावल ओ राज्यमन्त्री रैकासे राहत वितरण

पहुरा समाचारदाता
धनगढी, १३ वैशाख । मुक्तकमैया शिविरमे आगलागीपाछे आन्तरिक मामिला तथा कानुन मन्त्री डा. रणबहादुर रावल राहत वितरण करले बाटै । कैलालीके कैलारी गाउँपालिका–७, विपतपुरमे अँट्वारके आगलागीके कारण बिचल्लीमे परल परिवारहे मन्त्री रावल ओ सामाजिक विकास राज्यमन्त्री टेकबहादुर रैका संयुक्त रुपमे राहत वितरण करल हुइट ।

आगलागीसे घरवार बिहिन परिवारहे मन्त्री बस्दोबस्ती ओ खाद्य सामग्री वितरण करल हुइट । राहत वितरण कैना मुक्तकमैया शिविर विपतपुर पुगल मन्त्री रावल सुदूरपश्चिम प्रदेस सरकारसे अन्य सामाजिक संघसंस्थाके समन्वयमे थप राहतके व्यवस्थापन कैना बटैलै ।

आगलागीसे उ बस्तीमे ६० से ढिउर घरमे क्षति हुइल बटाइल बा । गौरीगंगा नगरपालिका, टीकापुर नगरपालिका ओ धनगढी उपमहानगरपालिकाके दमकल, प्रहरी ओ स्थानीय आगी नियन्त्रणमे लेहल रहिट । आगलागीसे घरवार बिहिन हुइल स्थानिय विद्यालय ओ छरछिमेकमे बैठल बाटै ।