कैलारी गाउँपालिके अध्यक्षके लाग ७ जनहनके उम्मेदवारी दर्ता
पहुरा समाचारदाता
धनगढी, १३ वैशाख । कैलालीके कैलारी गाउँपालिका अध्यक्षके लाग निवर्तमान अध्यक्ष लाजुराम चौधरी ओ एक स्वतन्त्र सहित ७ जाने उम्मेदवारी दर्ता करैले बाटै ।
अध्यक्षके लाग नेपाली कांग्रेससे राजसमझ चौधरी, नेकपा एमालेसे झुमादेवी चौधरी, राप्रपासे होमबहादुर गुरुङ, नागरिक उन्मुक्तिसे भीष्मराज चौधरी ओ लोकतान्त्रिक समाजवादीसे विनोद कुमार चौधरी ओ स्वतन्त्रसे मनिराम चौधरी अध्यक्ष पदके लाग उम्मेदवारी डेहल हुइट ।
उपाध्यक्षके लाग ३ स्वतन्त्रसहित १० के उम्मेदवारी
ओस्टके गाउँपालिका उपाध्यक्षके लाग निवर्तमान उपाध्यक्ष लक्ष्मी सत्गौंवा सहित १० जनहनके उम्मेदवारी दर्ता हुइल बा । ओम्ने फेन ३ जाने उपाध्यक्षके लाग स्वतन्त्र उम्मेदवारी दर्ता करैले बाटै ।
उपाध्यक्षके लाग नेपाली कांग्रेससे भागवती कुमारी चौधरी, नेकपा माओवादी केन्द्रसे लक्ष्मी सत्गौंवा ओ गंगा चौधरी, नेकपा एमालेसे जालुराम चौधरी, राप्रपासे पिङ्गला थारु, जनता समाजवादीसे फुलमति देवी चौधरी, नागरिक उन्मुक्ति पार्टीसे कविता चौधरी उम्मेदवारी दर्ता करैले बाटै ।
ओस्टके स्वतन्त्रसे अनिता कुमारी चौधरी, अनिता चौधरी ओ सरिता चौधरी उपाध्यक्ष पदके लाग उम्मेदवारी दर्ता करैले बाटै ।
कैलालीमे सत्ता गठबन्धनमे आवद्ध तीन दलबीच सिट बाँडफाँडमे सहमति हुइल रहे । जौन अन्र्तगत कैलारीमे माओवादी केन्द्र अध्यक्ष ओ नेपाली काँग्रेस उपाध्यक्ष पद पाइल रहे ।