अग्नी पीडितहे खाद्यान्न सहयोग
पहुरा समाचारदता
धनगढी, १३ बैशाख । अग्नी पीडित कैलारी गाउँपालिका वडा नम्बर ७ विपतपुर मुक्तकमैया शिविरहे खाद्यान्न सहयोग करल बा ।
छटकपुर बसन्ताके किसानहुक्रे गाउँसे खाद्यान्न संकलन कैके सहयोग करल हुइट । गाउँके भलमन्सा जीयाराम चौधरीके अगुवाईमे संकलन करल १५ क्वीन्टल चाउर ओ १५ क्वीन्टल गहुँ विपतपुरके भलमन्सा हिँगुराम चौधरीहे हस्तान्तरण करल हुइट ।
ओस्टके फाया नेपालसे फेन यूएनएफपीए कन्ट्री प्रोग्राम ओ सुआहारा परियोजना अन्र्तगत महिला, किशोरी, जेष्ठ नागरिकहे सहयोग पुग्ना मेरके २ लाख ६६ हजार ढिउरके सामाग्री सहयोग करल बा ।
अँट्वारके हुइल भिषण आगलागीलीसे शिविरके ३८ घरसे ढिउर पूर्ण रुपसे नष्ट ओ ३४ घर आंशिक रुपमे जरके नष्ट हुइल बा ।
सामग्री हस्तान्तरण कार्यक्रममे कैलारी गाउँपालिकाके सुचना अधिकारी यगम कलेल, शिक्षा शाखा प्रमुख गणेश प्रसाद मिश्र, फाया नेपालके शेरबहादुर बस्नेत लगायतके उपस्थिति रहल रहे ।
