श्रम कानून कार्यान्वयन कैना सक्कुहुनके दायित्व
पहुरा समाचारदाता
धनगढी, १४ वैशाख । श्रम कानून सम्बन्धी एक दिने अन्तरक्रिया कार्यक्रम धनगढीमे हुइल बा । श्रम तथा रोजगार कार्यालय धनगढीके आयोजनामे मंगरके रोज हुइल कार्यक्रममे सुदूरपश्चिम प्रदेशके मुख्य न्यायधिवक्ता कुलानन्द उपाध्याय मानवअधिकार तथा श्रम सम्बन्धी कानूनी व्यवस्थाबारे कार्यपत्र प्रस्तुत करले रहिट ।
उहे उहाँ श्रम अदालत काठमाडाैं रहल कारण ढेर जैसिन न्यायसे बन्चित हुइल बटैलै । उहाँ प्रदेश स्तरीय श्रम अदालत हुई पर्नाफे बटैले रहिट ।
ओस्टेक अभिनसम श्रम सम्बन्धी बनल कानून ओ संविधानमे उल्लेख हुइल श्रम कानूनबारेफे जानकारी डेहल रहिट । कार्यक्रममे नेपाल ट्रेड यूनियन काँग्रेसके उपाध्यक्ष तेजराज भट्ट श्रमिकहुक्रे श्रमअनुसार ज्याला नइपाइल, बाल मजदुर ढेर रहल मने तथ्याङक कमी रहल, अनुगमन हुइ नइसेकल बटैले रहिट । कार्यक्रममे होटल व्यवसाय संघ कैलालीके अध्यक्ष कलम बम, गैसस प्रदेश सचिव लोकमान धामी लगागत श्रम ऐन कार्यान्वयन हुइ पर्ना बटैले रहिट ।
कार्यक्रम श्रम तथा रोजगार कार्यालय धनगढीके प्रमुख जनकसिंह उकेडाके अध्यक्षतामे हुइल रहे । उहाँ कानून कार्यान्वयन कैना सक्कुहुनके दायित्व रहल बटैले रहिट ।
कार्यक्रममे संचालन खगेन्द्र उपाध्याय ओ स्वागत मन्तव्य भरतबहादुर शाही करले रहिट । कार्यक्रममे होटल व्यावसायी, इटा व्यावसायी लगायत टमान उद्योगके प्रतिनिधिहुकनके उपस्थिति रहल रहे ।
