विद्यालय ओ क्याम्पस फेन शनिच्चर ओ अँट्वारके बिदा

काठमाडौं, १४ वैशाख । सरकार सातामे दुई दिन सार्वजनिक बिदा डेना निर्णय करलपाछे शिक्षण संस्था फेन शनिच्चर ओ अँट्वारके बन्द हुइना हुइल बा । शिक्षामन्त्री देवेन्द्र पौडेल विद्यालय ओ क्याम्पस फेन दुई दिन बन्द करना निर्णय मन्त्रिपरिषद्से करल जानकारी डेलैं ।

सोम्मारसे शुकके रोजसम विद्यालयके कक्षा बिहान ९ः३० बजेसे साँझ ४ः३० सम सञ्चालन हुइना उहाँ जानकारी डेलैं । बिहान १० बजेसे ५ बजेसम सञ्चालन हुइना कार्यालय भर बिहान साढे ९ बजे खुल्ना ओ साँझ साढे ५ बजे बन्द हुइ ।

‘विद्यार्थीके पढाइमे असर नापुगे कहिके औरे सार्वजनिक बिदा काटजाइ, कैसिक कक्षा सञ्चालन करना मन्त्रालयसे कार्ययोजना फेन बनाइ,’ उहाँ कलैं । सरकार जेठ १ गतेसे लागू हुइना मेरिक हप्तामे दुई दिन बिदा डेना निर्णय करल हो । शिक्षामन्त्री पौडेल परीक्षणके रूपमे किल बिदा डेना निर्णय करल बटैलैं ।

विदेशी मुद्रा सञ्चिति घट्ना ओ शोधनान्तर घाटा बह्रल स्थितिसे अर्थतन्त्रमे जोखिम बह्रलपाछे सरकार सार्वजनिक बिदा बह्रैना निर्णय करल हो ।