थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १३ कुँवार २६४६, बिफे ]
[ वि.सं १३ आश्विन २०७९, बिहीबार ]
[ 29 Sep 2022, Thursday ]

गठबन्धनसे साझा उम्मेदवार सार्वजनिक

पहुरा | १४ बैशाख २०७९, बुधबार
गठबन्धनसे साझा उम्मेदवार सार्वजनिक

पहुरा समाचारदाता
धनगढी, १४ बैशाख ।
स्थानीय तह निर्वाचनके लाग मनोनयन दर्ता हुइल दुई दिन पाछे सत्ता गठबन्धनसे साझा उम्मेदवारके नामावली सार्वजनिक करले बा । सत्ता गठबन्धनसे मनोनयन दर्ता हुइना एकरदुई दिने पहिले सार्वजनिक करे पर्ना नामावली बुधके रोज केल सार्वजनिक करल हो । नेपाली काँग्रेस ७ पालिका, नेकपा माओबादी केन्द्र ३ ओ एकीकृत समाजवादी २ पालिका पैना संख्यामे टुङगो लगैलेसेफे उम्मेदवारके हकमे टुंगो नइलागलपाछे उम्मेदवार अलमलमे परल रहिट ।

सत्ता गठबन्धनसे नेपाली काँग्रेसके जिल्ला सभापति नारायणदत्त भट्ट, नेकपा माओवादी केन्द्रके प्रदेश अध्यक्ष हरिराम चौधरी ‘उत्सव’ ओ नेकपा (एकीकृत समाजवादी) केन्द्रीय सदस्य तथा इन्चार्ज दीर्घ सोडारीसे हस्ताक्षरिक विज्ञप्ति मार्फत साझा उम्मेदवारके नामावली सार्वजनिक करले बा ।

सत्ता गठबन्धन सार्वजनिक करल साझा उम्मेदवारमे धनगढी उप महानगर पालिकाके मेयरके उम्मेदवारमे नृप बहादुर वड (नेपाली काँग्रेस) उपमेयरमे शान्ती अधिकारी क्षेत्री (माओबादी केन्द्र), गोदावरी नगरपालिकाके मेयर उम्मेदवार विरेन्द्र भट्ट (नेपाली काँग्रेस) उपमेयरमे नेकपा रत्ना कडायत (एकीकृत समाजवादी) रहल बटै ।

घोडाघोडी नगरपालिकाके मेयरमे उम्मेदवारमे खडक रावत नेकपा (एकिकृत समाजवादी) उपमेयरमे गुलियादेवी चौधरी नेपाली काँग्रेस, लम्कीचुहा नगरपालिकाके मेयरमे उम्मेदवारमे सुशीला शाही (नेपाली काँग्रेस) उपमेयरमे जानकी सिंह (नेकपा (माओबादी केन्द्र) रहल बटै ।

टीकापुर नगरपालिकाके मेयरके उम्मेदवारमे नवराज रावल (नेपाली काँग्रेस) उपमेयरके उम्मेदवारमे खडक शाह (नेकपा माओवादी केन्द्र), भजनी नगरपालिकाके मेयरके उम्मेदवारमे शेरबहादुर चौधरी (नेकपा माओबादी केन्द्र) गोकेन्द्र भण्डारी (नेपाली काँग्रेस) रहल बटै ।

गौरीगंगा नगरपालिकाके मेयरके उम्मेदवारमे देवीदत्त कँडेल (माओवादी केन्द्र) उपमेयरमे भोजबहादुर बम (नेपाली काँग्रेस), चुरे गाउँपालिकाके अध्यक्ष उम्मेदवारमे लोकबहादुर सारुमगर (एकीकृत समाजवादी) उपाध्यक्षमे धना थापा (नेपाली काँग्रेस) रहल बटै ।

जानकी गाउँपालिका अध्यक्ष उम्मेदवारमे परशुराम महतो कठरिया (नेपाली काँग्रेस) उपाध्यक्ष उम्मेदवारमे जयप्रकाश दहित (नेकपा माओबादी केन्द्र), जोशीपुर गाउँपालिका अध्यक्ष उम्मेदवारमे बंशराम कठरिया (नेपाली काँग्रेस) दीर्घ विनाडी (माओवादी केन्द्र) रहल बटै ।

कैलारी गाउँपालिका अध्यक्षमे लाजुराम चौधरी(माओबादी केन्द्र) भगवती चौधरी (नेपाली काँग्रेस), मोहन्याल गाउँपालिका अध्यक्ष उम्मेदवारमे देविदत्त उपाध्यक्ष (माओवादी केन्द्र) कमल बहादुर साउँद (नेपाली काँग्रेस) ओ वर्दगोरिया गाउँपालिका अध्यक्षमे शेरबहादुर कठरिया (नेपाली काँग्रेस) उपाध्यक्षमे गणेश गिरी (माओवादी केन्द्र) रहल बटै ।

सत्ता गठबन्धनसे वडा भेला कैना कैलालीके धनगढी उपमहानगरपालिकाके १९ वडामे सत्ता गठबन्धनसे चुनावी प्रचार प्रसार तथा वडा भेला कैना जनैले ।

धनगढी उपमहानगरपालिका वडा नम्बर १४ मे आज सकारे ८ बजे, वडा नम्बर १८ मे १० बजे ओ १९ नम्बर वडामे ४ बजे वडा भेला कैना जनैले बा ।

ओस्टेक १६ गते वडा नम्बर ८, ९, १० ओ १२ मे, १७ गते वडा नम्बर १, २ ओ ३ मे वडा भेला कैना कहल बा कलेसे १८ गते केन्द्रिय स्तरके नेताहुकन बोलाके वृहत भेला करे लागल हो । १८ गते हुइना वृहत भेला कहाँ कैना कना अभिनसम स्थानके टुंगो लागल नइहो । वृहत भेलामे नेपाली काँग्रेस पार्टी सभापति शेरबहादुर देउवा, माओवादी केन्द्रके अध्यक्ष पुष्पकमल दाहाल, एकीकृत समाजवादी पार्टीके अध्यक्ष माधवकुमार नेपाल, जनता समाजवादी पार्टी ओ राष्ट्रिय जनमोर्चाके नेताहुक्रे सम्बोधन कैना कार्यक्रम रहल बा ।

ओस्टेक, १९ गते वडा नम्बर ११, १३ ओ ४ मे वडा भेला कैना कार्यक्रम तय करल बा । कलेसे २० गते १५, १६ ओ १७ गते वडा भेला कैना बा । २१ गते वडा नम्बर ५, ६ ओ ७ मे वडा भेला कैना कार्यक्रम तय करल बा । वडा भेलामे नेपाली काँग्रेसके नेता, माओवादी केन्द्रके नेता, एकीकृत समाजवादीके नेताहुकनके सहभागिता रहना बा ।

जनाअवजको टिप्पणीहरू