थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १३ कुँवार २६४६, बिफे ]
[ वि.सं १३ आश्विन २०७९, बिहीबार ]
[ 29 Sep 2022, Thursday ]

५८ जाने क्रियाशील सदस्यसे राजीनामा

पहुरा | १५ बैशाख २०७९, बिहीबार
५८ जाने क्रियाशील सदस्यसे राजीनामा

पहुरा समाचारदाता
धनगढी, १५ बैशाख ।
नेपाली काँग्रेस धनगढी उपमहानगरपालिका वडा नम्बर ४ ममे विवाद डेखल बा । टिकट वितरण एकहोरो ढंगसे करल कहटी ५८ जाने क्रियाशील सदस्यहुक्रे बिफे पत्रकार सम्मेलन करके राजीनामा डेलै बटै ।

‘धनगढी उपमहानगरपालिका वडा नं ४ मे नेपाली कांग्रेसहे ११ जाने अध्यक्ष पदके लाग तथा २२ जाने सदस्य पदके लाग उम्मेदवारी दाबी करल रहे, पत्रकार सम्मेलनमे वडा नम्बर ४ के निवर्तमान वडा अध्यक्ष दिपककुमार थापा क्षेत्री कहलै ।

‘कुहीसेफे छलफल नइकरके बडा कार्य समितिसे ३ जाने अध्यक्ष पदके आकांक्षके नाउँ सिफारिस करल ।’ पार्टीके विधान विपरित २०७४ निर्वाचनमे पार्टीके आधिकारीक उम्मेदवारके विरुद्ध वागी हुके कारवाहीके सिफारिसमे परल व्यक्तिहे टिकट डेहलप्रति आपति रहल पत्रकार सम्मेलनमे जानकारी करैले बा । काँग्रेस वडा नम्बर ४ से वुद्धि खड्काहे उम्मेदवारी डेहल बा ।

उ पार्टीसे कारवाही करल व्यक्तिके टिकट रोक्न ९९ जाने क्रियाशील सदस्याहुकनके हस्ताक्षर सहित आघे नइबढैना जिल्ला कार्य समितिके ध्यानाकर्षण करेबेरफे वेवास्ता करल असन्तुष्टहुक्रे जनैले बा । वडाके क्रियाशील सदस्यहुकनके मर्म तथा भावना नइबुझके उम्मेदवारी छनोट करल कहटी असन्तुष्टि रहल ओइने बटैले बटै ।

टिकट वितरण कैना निकायसे सदस्य पदके निर्णयमे समेत धाधली करल ओइनके आरोप रहल बा । क्षेत्रीय कार्यसमितिसे करल निर्णयमे टिकट डेना निकायसे टिकट पाइल व्यक्तिहुकनके नाउ उप्पर समेत टिपेक्स लगाके अपने अनुकुलके और सदस्यके नाउँ उल्लेख करल ओइने आरोप लगैले बटै ।

वडाके टिकट डेना प्रक्रियामे भूगोल, क्षेत्र, योगदान मूल्यांकन नइकरके हस्तक्षेप हुइल वडा नम्बर ४ के पुर्व काँग्रेस वडा सभापति अनन्तराज जोशी बटैलै । एकलौटी ढंग करल निर्णयसे तथा पार्टीसे कैना विभेदपूर्ण व्यवहारसे पीडित पार्टीके ईमान्दार, क्रियाशील एवम् सक्रिय कार्यकर्ताहुक्रे मनोभावनामे आच पुगल उहाँ बटैलै ।

असन्तुष्ट समुहसे आसन्न निर्वाचनमे स्वतन्त्र ढंगसे मतदान कैना जनैले बटै । वडा से ९९ जाने असन्तुष्टहुकनके हष्ताक्षर सहित जिल्ला सभापतिहे बुझैना ओइने जनैले बटै ।

जनाअवजको टिप्पणीहरू