थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १३ कुँवार २६४६, बिफे ]
[ वि.सं १३ आश्विन २०७९, बिहीबार ]
[ 29 Sep 2022, Thursday ]

आगलागी बस्तीमे ओरेक नेपालसे परामर्श

पहुरा | १६ बैशाख २०७९, शुक्रबार
आगलागी बस्तीमे ओरेक नेपालसे परामर्श

पहुरा समाचारदाता
धनगढी,१६ बैशाख ।
कैलालीके कैलारी गाउँपालिका–७ विपतपुर बस्तीमे आगलागिपाछे ओरेक नेपालसे निरन्तर परामर्श डेटी आइल बा ।

गैल वैशाख ११ गते दुपहर आगीलागि हुइलपाछे उ बस्तीके ३८ घर पूर्णरुपमे भुवामे परिणत हुइल बा । कलेसे जम्मु मिलाके ७१ घरमे कहुन कहु क्षति पुगल बा । विपतपाछे आइसेक्ना समस्याबारे बुझेक लाग ओरेक नेपालसे उहे ठाउँमे बैठमे निरन्तर परामर्श डेटी आइल सहजकर्ता विष्णु रेग्मी बटैली ।

उहाँ कहली, घरेम आगीलागल संगे उहाँहुकन सक्कु लत्ताकपराफे जरगिल । छोट–छोट लरकुरिया डाईके ढेर समस्या बा, कोई मसिनावारी हुइल बा कलेसे फेरना कपरा नइहुइन ओरेक नेपालसे समस्या बुझके समाधन करटा ।’ ओरेक नेपालसे स्वास्थ्य समस्या हुइल व्यक्तिहुकनहे गाउँपालिकाके सहकार्यमे धनगढी उपचारके लाग पठाइल उहाँ बटैली ।

जनाअवजको टिप्पणीहरू