थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १३ कुँवार २६४६, बिफे ]
[ वि.सं १३ आश्विन २०७९, बिहीबार ]
[ 29 Sep 2022, Thursday ]

कैलारी प्रमुखके लाग ६ बीच प्रतिस्पर्धा

पहुरा | १७ बैशाख २०७९, शनिबार
कैलारी प्रमुखके लाग ६ बीच प्रतिस्पर्धा

पहुरा समाचारदाता
धनगढी, १७ वैशाख ।
कैलालीके कैलारी गाउँपालिकामे अध्यक्ष पदके लाग ६ जाने विच प्रतिस्पर्धा हुइना बा ।

यिहे अइना बैशाख ३० गते हुइना स्थानीय निर्वाचनके लाग निर्वाचन अधिकृतके कैलारी गाउँपालिकासे प्रकाशित अन्तिम नामावाली अनुसार ६ जानेविच अध्यक्षके लाग प्रतिस्पर्धा हुइना डेखल बा । अध्यक्ष पदके लाग नेकपा माओवादी केन्द्रके लाजुराज चौधरी, नेपाली काँग्रेसके राजसमझ चौधरी, नेकपा एमालेके झुमा देवी चौधरी, राप्रपाके होमबहादुर गुरुङ, नागरिक उन्मुक्ती पाटीके भिष्मराज चौधरी, लोकतान्त्रिक समाजवादी पार्टीके विनोदकुमार चौधरीविच प्रतिस्पर्धा हुइना डेखल बा । अध्यक्ष पदके उम्मेदवार मनिराम बखरिया भर उम्मेदवारी फिर्ता लेले बटै । उहाँ स्वतन्त्रसे उम्मेदवारी डेले रहिट ।

ओस्टेक करके नेपाली काँग्रेससे भगवती कुमारी चौधरी, नेकपा माओवादी केन्द्रसे लक्ष्मी सत्गौवाथारु, राप्रपा नेपालसे पिङगला थारु, जनता समाजवादी पार्टीसे फुलमति महतो, नेकपा एमालेसे जालुराम चौधरी, नागरिक उन्मुक्ती पार्टीसे कविता चौधरी ओ स्वतन्त्रसे अनिताकुमारी चौधरी उपाध्यक्ष पदके लाग लरना हुइल बटै ।

गौरीगंगामे २७ जाने उम्मेदवारी फिर्ता लेलै

कैलालीके गौरीगंगा नगरपालिकामे २७ जाने उम्मेदवारी फिर्ता लेले बटै । नगरपालिकामे स्थापित निर्वाचन अधिकृतके कार्यालयमे पुगके ओइने उम्मेदवारी फिर्ता लेहल हुइट । नगरपालिकाके निर्वाचन अधिकृत निराजन पाण्डेके अनुसार मेयरमे १ जाने, उप मेयरमे १ जाने, वडा अध्यक्ष १० जाने, सदस्य खुला ९ जाने, महिला सदस्य ५ जाने ओ दलित महिला सदस्य १ जाने करके २७ जाने उम्मेदवारी फिर्ता लेहल हुइट ।

गोदावरी नगरपालिकामे १७ जाने उम्मेदवारी फिर्ता

कैलालीके गोदावरी नगरपालिकामे १७ जाने उम्मेदवारी फिर्ता लेले बटै । निर्वाचन अधिकृतके कार्यालयमे पुगके ओइने उम्मेदवारी फिर्ता लेहल हुइट । नगरपालिकाके सहायक निर्वाचन अधिकृत शिवराज भाटके अनुसार ७ जाने स्वतन्त्र सहित १० जाने पार्टीगत उम्मेदवारसे उम्मेदवारी फिर्ता लेहल हुइट ।

उम्मेदवारी फिर्ता लेनामे वडा नम्बर १ से अध्यक्षके स्वतन्त्र उम्मेदवार चित्रकुमार भटट्, कृतबहादुर चन्द ओ भीम बलायर रहल बटै । वडा नम्बर १ से सदस्यसे स्वतन्त्र उम्मेदवारी डेहल शेरसिहं बोहरा, कुमारीबसन्ती जोशी, राष्ट्रीय जनमोर्चासे महिला सदस्यमे उम्मेदवारी दर्ता करल मायादेवी पार्की ओ सदस्यमे उम्मेदवारी डेहल प्रेम कामी रहल बटै ।

ओस्टेक वडा नम्बर ४ से अध्यक्षके लाग स्वतन्त्र उम्मेदवारी डेहल भुवन महरा ओ वडा नम्बर ५ से अध्यक्षके स्वतन्त्र उम्मेदवार भुवनप्रसाद पाठकसे उम्मेदवारी फिर्ता लेहल बटै ।

वडा नम्बर ६ के लाग एकीकृत समाजवादीसे सदस्यमे उम्मेदवारी दर्ता करल दर्शन रानासे उम्मेदवारी फिर्ता लेले बटै । वडा नम्बर ७ के महिला सदस्यमे माओवादी केन्द्रसे मनोनयन दर्ता करल तुलसी धामीसेफे उम्मेदवारी फिर्ता लेहल बटी । ओस्टेक वडा नम्बर ११ से राप्रपाके अध्यक्ष सहित पाँचु जाने उम्मेदवारी फिर्ता लेहल बटै ।

राप्रपासे उम्मेदवारी दर्ता करल प्रेम सिहं कडायत, सदस्यमे रामचन्द्र ओली, महिला सदस्य सुकाली बोहरा, सदस्य शंकर खड्का ओ दलित महिला सदस्य झुपी भुलसे अपन उम्मेदवारी फिर्ता लेले बटै । ओस्टेक करके वडा नम्बर १२ के वडा सदस्यमे स्वतन्त्र उम्मेदवारी दर्ता करल भरत विक उम्मेदवारी फिर्ता लेहल गोदावरीके सहायक निर्वाचन अधिकृत भाट जानकारी डेलै । वैशाख ३० गते हुइना स्थानीय तहके निर्वाचनके लाग गोदावरी नगरपालिकामे ६२ जाने जनप्रतिनिधिके लाग ३०४ जानेक उम्मेदवारी परल रहे ।

धनगढीमे २५ जाने लेहल उम्मेदवारी फिर्ता

सुदूरपश्चिमके एक ठो केल उपमहानगरपालिका धनगढीमे २५ जाने उम्मेदवारी फिर्ता लेले बटै । उपमहानगर प्रमुख, वडा अध्यक्ष ओ सदस्यमे उम्मेदवारी डेहल २५ जाने उम्मेदवारी फिर्ता लेहल हुइट । मुख्य निर्वाचन अधिकृतके कार्यालयके अनुसार राष्ट्रिय जनमोर्चासे मेयरमे उम्मेदवारी डेहल अन्जना श्रेष्ठ मास्केसेफे उम्मेदवारी फिर्ता लेले बटै ।

उहाँ उम्मेदवारी फिर्ता करलसंगे अब ९ जाने बीच मेयरके लाग प्रतिस्पर्धा हुइना बा । धनगढी उपमहानगरपालिकाके प्रमुखमे नेपाली कांग्रेसके नृपबहादुर वड, नेकपा (एमाले) के रणबहादुर चन्द, जनता समाजवादी पार्टीके कवीन्द्र ऐर, नागरिक उन्मुक्ति पार्टीके नीमकुमार चौधरी, लोकतान्त्रिक समाजवादीके वसन्तबहादुर विश्वकर्मा ओ सचेत पार्टी नेपालके भारती थापा उम्मेदवार बटै । ओस्टेक स्वतन्त्रसे गोपाल हमाल, उद्धवराज पन्त ओ मदनकृष्ण भट्ट मेयर पदके उम्मेदवार बटै ।

घोडाघोडीमे २३ जाने लेलै फिर्ता

घोडाघोडी नगरपालिकामे २३ जाने उम्मदवारी फिर्ता लेले बटै । फिर्ता लेहलमे स्वतन्त्रसे वडा न १ के अध्यक्षमे उम्मेदवारी डेहल मनराज शाही,२ के अध्यक्षमे डिल्लीबहादुर बिष्ट, भरत बिष्ट, ४ के अध्यक्षमे रामदुलार चौधरी, नारद न्यौपाने, ५ के अध्यक्षमे राजाराम चौधरी, ७ के अध्यक्षमे रामबहादुर चौधरी, उन्नत लोकतान्त्रिकसे २ के अध्यक्षमे कमलप्रसाद अधिकारी, ५ के अध्यक्षमे समाजवादीके अशोक कुमार भण्डारीसे उम्मेदवारी फिर्ता लेले बटै ।

ओस्टेक करके वडा सदस्यमे स्वतन्त्रसे उम्मेदवारी डेहल १ के चन्द्र थापा, थम्मन बोहरा, राजु अवस्थी, वडा न १ मे समाजबादीसे उम्मेदवारी डेहल खडक बोगटी, वडा न ५ मे समाजबादीके रनबहादुर ढुंगााल, ६ मे स्वतन्त्रसे गणेशबहादुर बोहरा, ७ मे तुल्सिराम डगौरासे फिर्ता लेले बटै ।

ओस्टेक करके महिला वडा सदस्यमे स्वतन्त्रसे वडा न १ मे उम्मेदवारी डेहल मैना देवि ढकाल, पुष्पा नोपाली, समाजबादीकके रेवती बम, सपुरा दमाइ,वडा न ३ मे स्वतन्त्रसे सिता थारु, सुनिता चैधरी उम्मेदवारी फिर्ता लेले बटै । ओस्टेक करके उप प्रमुखमे नेपाली कांग्रेससे उम्मेदवार डेहल रिता कुमारी चौधरीके उम्मेदवारी रद्ध करल निर्वाचन कार्यालय जनैले बा । २ जानेक उम्मेदवारी दर्ता हुइलमे रद्ध हुइल हो । ओेस्टेक करके माओवादीसे वडा न १ मे सदस्य पदमे उम्मेदवारी डेहल पञ्चराम डगौराके उम्मेदवारी रद्ध करल बा ।

समानुपातिक उम्मेदवारओर बन्द सुचीमे नाम रहल कारण रद्ध करल हो । वडा न ३ मे माओवादीसे वडा सदस्यमे उम्मेदवारी डेहल अरुना डगौराके फे उम्मेदवारी रद्द करल बा । महिला सदस्य पदमे २ जानेक उम्मेदवारी दर्ता हुइल कारण रद्ध करल हो ।

ओस्टेक करके वडा न ९ मे कांग्रेससे वडाध्यक्षमे उम्मेद्धारी डेहल हर्क बहादुर बुढाके उम्मेद्धारी रद्ध करल बा । कांग्रेससे २ जानेक उम्मेदवारी परलपाछे रद्ध करल हो । माओबादीसे वडा न ९ मे सदस्यमे उम्मेदवारी डेहल धने रावतकेफे उम्मेदवारी रद्ध करल बा । माओवादीसे ३ जानेक उम्मेदवारी परलपाछे रद्ध करल निर्वाचन कार्यालयसे जनैले बा ।

जनाअवजको टिप्पणीहरू