थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १३ कुँवार २६४६, बिफे ]
[ वि.सं १३ आश्विन २०७९, बिहीबार ]
[ 29 Sep 2022, Thursday ]

धनगढी मेयरके स्वतन्त्र उम्मेदवार गोपाल हमालके चुनाव चिह्न आँमके दाना

पहुरा | १७ बैशाख २०७९, शनिबार
धनगढी मेयरके स्वतन्त्र उम्मेदवार गोपाल हमालके चुनाव चिह्न आँमके दाना

पहुरा समाचारदाता
धनगढी, १७ वैशाख ।
कैलालीके धनगढी उपमहानगरपालिकाके मेयर पदके स्वतन्त्र उम्मेदवार गोपाल हमाल चुनाव चिन्ह आँमके दाना पैले बटैं । शनिच्चरके रोज मुख्य निर्वाचन अधिकृतके कार्यालय धनगढी उहाँहे चुनाव चिह्न आँमके दाना प्रदान करले बा ।

स्वतन्त्र उम्मेदवार गोपाल हमाल अँट्वारके मुख्य निर्वाचन अधिकृतके कार्यालयमे पुगके मेयर पदमे उम्मेदवारी दर्ता करैले रहैं । निर्वाचन चिन्ह पाइलसंगे मेयरके प्रत्यासी हमाल आब मतदाताहुकनके घर–घर पुग्ना बटैले बटैं ।

२०७४ सालके निर्वाचनमे समेत धनगढी उपमहानगरपालिकामे स्वतन्त्र उम्मेदवारी डेहल हमाल कांग्रेसके नृपबहादुर वडसँग पराजित होके दोसर हुइल रहैं । प्रमुखमे स्वतन्त्र उम्मेदवारी डेहल हमाल कांग्रेसके वडहे कडा टक्कर डेले रहैं । प्रमुखमे विजयी काँग्रेसके वड १४ हजार ३ सय २४ मत पैले रहैं कलेसे हमाल ११ हजार ५२७ मत पैले रहैं । हमाल नेकपा एमाले, नेकपा माओवादी केन्द्र लगायत राजनीतिक दलसे प्रमुखमे लरल उम्मेदवारहे उछिनके लोकप्रिय मत पैले रहैं ।

धनगढी उपमहानगरपालिकामे प्रमुख लरल माओवादी केन्द्रके उम्मेदवार रामसमझ राना १० हजार २ सय ९ मत पैले रहैं । एमालेके उम्मेदवार दुर्गा जोशी ९ हजार ९ सय ४६ मत नन्ले रहैं ।

यीबेर धनगढीमे काँग्रेस, माओवादी केन्द्र, एमाले, एकीकृत समाजवादीके बाहेक अन्य दलके उपस्थिति भर कमजोर डेखाइल बा । यीचो काँग्रेस ओ माओवादी बीच गठबन्धन हुइल बा । गठबन्धनके ओरसे काँग्रेसके नृपबहादुर वड प्रमुख ओ उपमेयरमे माओवादीके शान्ति अधिकारीके उम्मेदवारी रहल बा । वडामे भर सक्कु दल अपन–अपन तरिकासे उम्मेदवारी डेले बटैं ।

जनाअवजको टिप्पणीहरू