थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १३ कुँवार २६४६, बिफे ]
[ वि.सं १३ आश्विन २०७९, बिहीबार ]
[ 29 Sep 2022, Thursday ]

द्वेषपूर्ण सूचना प्रवाह नैकैना आग्रह

पहुरा | १७ बैशाख २०७९, शनिबार
द्वेषपूर्ण सूचना प्रवाह नैकैना आग्रह

पहुरा समाचारदाता
धनगढी, १७ वैशाख ।
आसन्न स्थानीय तह (वैशाख ३० गते हुइना) के निर्वाचनके प्रचारप्रसार, सभा सम्मेलन, अभिव्यक्ति डेहेबेर, सामाजिक सञ्जाल लगायतमे गलत, भ्रामक वा द्वेषपूर्ण सूचना प्रवाह करे नैपरनामे एक कार्यक्रमके सहभागीहुक्रे जोड डेले बटैं ।

सुदूरपश्चिम संवाद समूहके आयोजनामे शनिच्चरके रोज धनगढीमे हुइल निर्वाचनमे आचारसंहिता ओ भाषा प्रयोग विषयक संवाद कार्यक्रमके सहभागीहुक्रे सार्वजनिक आवागमनमे अवरोध हुइना मेरिक जुलुस आमसभा, कोणसभा, बैठक कैके निर्वाचनके प्रचारप्रसार नैकराइ परना बटैले बटैं ।

कार्यक्रममे कैलाली जिल्ला मुख्य निर्वाचन अधिकृत जयानन्द पनेरू आसन्न स्थानीय तहके निर्वाचनमे सबजे अपन–अपन पक्षसे इमान्दारी पूर्वक आचारसंहिताके पालना करेपरना बटैलैं । आचारसंहिता उलंघनके उजुरी परलमे पहिले उहिन रोक्न, सुझाव डेना ओत्रासे नैहुइलेसे कारवाहीके लाग आघे प्रक्रिया बह्रैना उहाँ बटैंलैं । उहाँ आचारसंहिता उलंघनके बेनामी उजुरी डेहे सेक्ना फेन जानकारी करैलैं ।

जिल्ला निर्वाचन अधिकृत प्रेमराज भट्ट निर्वाचनके आचारसंहिताबारे जानकारी करैटि निर्वाचन प्रभाव परना उद्देश्यसे कोइ फेन सामाजिक सञ्जालमे झुट साइट ओ एकाउण्ट सञ्चालन कराइ नै मिल्ना बटैलैं । उहाँ सामाजिक सञ्जालमे निर्वाचनहे प्रभाव परना मेरिक होच्याइना, अपमान करना, द्वेषपूर्ण भाषण (हेट स्पिच) जैसिन भ्रामक टिप्पणी नैकरे परना पटैलैं । ओस्टेक, कौनो प्रयोजनके लाग प्रकाशन वा प्रसारण हुइल सूचना वा सामग्रीहे निर्वाचनमे प्रभाव परनो मेरिक टोडमोड कैके सामाजिक सञ्जालमे शेयर वा लाइक नैकरे परना बटैलैं ।

ओस्टेक, कार्यक्रमे अनौपचारिक सेवा केन्द्र (इन्सेक) के सुदूरपश्चिम संयोजक खडकराज जोशी निर्वाचनमे आचारसंहिता उलंघन कम करेक लाग सक्कु सहयोगी निकायहुक्रे समन्वयकारी भूमिका खेले परना बटैलैं । उहाँ सामाजिक सञ्जाल दुरुपयोगहे नियन्त्रण करेपरनामे जोड डेले रहैं ।

कार्यक्रममे नेपाली काँग्रेसके जिल्ला सचिव नृपबहादुर सुनार अपन पार्टी निर्वाचनमे हुइना आचारसंहिता विपरित कार्यहे सुधार करल बटैलैं । उहाँ कहुँ फेन आचारसंहिता विपरित कार्य हुइलेसे पार्टीहे जानकारी करा डेना आग्रह करलैं । ओ, ओइसिन आचारसंहिता विपरित कार्यहे अपन पार्टी सुधरना तत्पर रहल फेन उहाँ बटैलैं ।

कार्यक्रममे नेकपा एमालेके खेमराज पाण्डे निर्वाचनमे खर्चके अनियमितता हुइल नैहुइलहे फेन ध्यान डेहे परना बटैलैं । नेकपा (एकीकृत समाजवादी) जिल्ला अध्यक्ष भैरव रावल चुनावी प्रचारप्रसारके क्रममे औरे जहनहे गलत डेखैनासे फेन अपने का करेसेकम कना डेखाइपरना बटैलैं । उहाँ द्वेषपूर्ण संवादके कारण फेन घटना हुइना हुइल ओरसे संयमित भाषाके प्रयोग करनामे जोड करले रहैं ।

कार्यक्रममे लोसपाके केन्द्रीय सदस्य फोनीराम चौधरी, जसपाके आरसी यादव, राष्ट्रिय जनमोर्चाके केन्द्रीय सदस्य नन्दराज भट्ट, माओवादी केन्द्रके जगत जोशी, सुदूरपश्चिम समाजके निरंग चौधरीलागयत मन्तव्य व्यक्त करले रहैं ।

कार्यक्रममे संवाद समूहके प्रदेश सहजकर्ता कर्ण शाह सहजीकरण करले रहैं ।

जनाअवजको टिप्पणीहरू