थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १३ कुँवार २६४६, बिफे ]
[ वि.सं १३ आश्विन २०७९, बिहीबार ]
[ 29 Sep 2022, Thursday ]

गठबन्धनसे धनगढी घोषणपत्र जारी

पहुरा | १९ बैशाख २०७९, सोमबार
गठबन्धनसे धनगढी घोषणपत्र जारी

पहुरा समाचारदाता
धनगढी, १९ वैशाख ।
भ्रष्टाचार नैकरना प्रणसहित सत्ता गठबन्धन धनगढी नगर प्रतिवद्धता सार्वजनिक करले बा । वैशाख ३० गते हुइ लागल स्थानीय तहके निर्वाचनहे लक्षित करटि सत्ता गठबन्धन भ्रष्टाचार नैकरना ओ करे नैडेना प्रणसहित २२ बुँदे प्रतिवद्धतापत्र सार्वजनिक करल हो ।

‘नयाँ परिवेशमे स्थानीय सरकार संचालनके अभ्यासके क्रममे जान नै जान हुइल त्रुटि, कमजोरीप्रति जनता समक्ष क्षमा मग्ट उहिनसे शिक्षा लेके उहिनहे फेन दोहोराइ नैडेना ओ मजा अनुभव ओ सिकाइहे धनगढी उपमहानगरके विकास ओ समृद्धिके लाग प्रयोग करना प्रतिवद्धता व्यक्त करटि’ प्रतिवद्धतापत्रमे उल्लेख बा ।

प्रतिवद्धतापत्रमे धनगढी उपमहानगरपालिकाहे महानगरपालिका बनैना ओ शिक्षा, स्वास्थ्य, भौतिक विकासके साथे मानव संशाधनके यथोचित विकास कैके नागरिकहे गुणस्तरीय जीवनयापन करना योग्य करैना अठोट लेना उल्लेख बा । सडक किनारामे वृक्षरोपण करना, ‘हमार धनगढी हरित धनगढी’ बनैना, हरेक घरधनीहे नक्सा पासके क्रममे न्यूनतम पाँचसे लेके दशठो विरुवा लगैना आग्रह करना, धनगढी नगरभित्तर रहल सडक ओ खोल्वाहे दुनु किनारमे पैदल मार्ग निर्माण करना उल्लेख बा ।

पहिल चरणमे शिवपुर धामसे कैलाली पुलसम पैदल मार्ग निर्माण करना, उपमहानगरपालिकाके उर्मा गाउँहे अत्याधुनिक शहरी सुविधा सम्पन्न ओ सबजे गौरव करना लायक ‘नमुना बस्ती’ बनैना प्रतिवद्धता जनैले बा ।

उपमहानगरपालिकाके वडा नम्बर १४, १८ ओ १९ मे टाउन प्लानिङ सुरु करना, धनगढीके मुख्य सडक क्याम्पस रोड, चौराहा ओ शहीद गेटमे आकाशे पुल निर्माण करना ओ एक वडा एक पार्क, एक पोखरी ओ एक पुस्तकालय निर्माण करना प्रतिवद्धतापत्रमे उल्लेख बा ।

उपमहानगरपालिकाके टमान स्थानसे बहना खुटिया, मोहना नदी, सुकुटी ओ कैलाली नाला लगायतके नदी तथा खोलानाला किनारामे खुला पार्क निर्माण तथा वातावरण मैत्री साइकल ट्रयाक निर्माण करना, एक गाउँ बहुउत्पादन नीति अनुसार कृषिमे विशेष अनुदान तथा सहयोगके कार्यक्रम सञ्चालन करना, फूलवारीहे पशुपालन, उर्मा, बेला, घुइयाँघाटहे कृषि जोन बनैना, अर्गानिक कृषि खेतीहे प्रोत्सहान कैके ओकर बजारीकरणमे सहयोग करना प्रतिवद्धतापत्रमे उल्लेख बा ।

ओस्टेक, विद्यालयमे बालबालिकाके शत प्रतिशत पहुँच पुगैना ‘हेप्पी स्कुल’के अवधारणा अन्तर्गत चार वर्षसमके बालबालिकाहे ‘अनिवार्य विद्यालय भर्ना’ कार्यक्रम संचालन कैके विद्यार्थी भर्ना दरमे वृद्धि करना ओ पाँच वर्षमे विद्यार्थीहुकनके विद्यालय छोरना शून्यमे पुगैना, धनगढी उपमहानगरपालिकाहे बालश्रम मुक्त उपमहानगर बनैना, एक विद्यालय एक नर्सके व्यवस्था करना, हरेक विद्यालयमे स्थानीय पाठ्यक्रम तयार कैके लागू करना ओ निजी विद्यालयके शुल्क अनुसार सेवासुविधा हुइल नैहुइट अनुगमन करना प्रतिवद्धतापत्रमे उल्लेख बा ।

धनगढी उपमहानगरपालिकाके प्रत्येक वडामे स्थापना हुइल नगर स्वास्थ्य केन्द्रमे एक जाने विशेषज्ञ डाक्टर सेवा उपलब्ध करना, उपमहानगरपालिकाभित्तर निःशुल्क एम्बुलेन्स सेवा सञ्चालन करना, उर्मा ओ फूलवारी दुनुहे पायक पर्ना मेरिक २५ शैय्याके सुविधा सम्पन्न अस्पताल स्थापना करना प्रतिवद्धतापत्रमे उल्लेख बा ।

उपमहानगरपालिकाके भित्री सडकहे रिङरोड, हुलाकी सडक ओ सहरी सघन सडकके संजालमे जोरना, धनगढी उपमहानगरपालिकाभित्तर अन्तर्राष्ट्रियस्तरके अत्याधुनिक टर्मिनलसहितके बसपार्क निर्माण करना प्रतिवद्धतापत्रमे कहल बा ।

नगर क्षेत्रमे पाँच ठो ईलेक्ट्रिक बस निजी, सहकारी ओ साझेदारी (पिपिपि) मोडलमे सञ्चालनमे नन्ना प्रतिवद्धतापत्रमे उल्लेख बा । उपमहानगरपालिकाके वडा नम्बर १५ ओ १६ मे औद्योगिक क्षेत्र स्थापना करना, ५० करोड रुपैयाँसे ढेर लगानीके होटल तथा उद्योग तथा कलकारखानाके नक्सा पासमे ५० प्रतिशत छुट करना उल्लेख बा ।

जनाअवजको टिप्पणीहरू