थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १३ कुँवार २६४६, बिफे ]
[ वि.सं १३ आश्विन २०७९, बिहीबार ]
[ 29 Sep 2022, Thursday ]

कैलालीके कौन पालिकामे कटरा बटै मतदाता ओ मतदान स्थल

पहुरा | २२ बैशाख २०७९, बिहीबार
कैलालीके कौन पालिकामे कटरा बटै मतदाता ओ मतदान स्थल

पहुरा समाचारदाता
धनगढी, २ वैशाख ।
निर्वाचन आयोगसे अइना वैशाख ३० गते हुइना स्थानीय तह निर्वाचनके लाग देशभरके स्थानीय तहमे कायम हुइना मतदान स्थल ओ केन्द्र निर्धारण करले बा ।

कैलाली जिल्लाके सदरमुकाम रहल धनगढी उपमहानगरपालिकामे ४५ हजार ९२४ जाने पुरुष, ४७ हजार २२४ महिला ओ ३ जाने अन्य करके ९३ हजार १९१ जाने मतदाता रहल बटै । जहाँ ३४ मतदान स्थल ओ १०४ मतदान केन्द्र निर्धारण हुइल निर्वाचन आयोग जनैले बा ।

कैलारी गाउँपालिकामे १८ हजार २५२ पुरुष, १८ हजार ४८१ महिला, २ अन्य करके ३६ हजार ७३५ जाने मतदाता रहल बटै । जहाँ २० मतदान स्थल, ४७ ठो मतदान केन्द्र रहल बा । गोदावरी नगरपालिकामे २६ हजार ६१७ पुरुष, २८ हजार ८७४ महिला, १ अन्य करके ५५ हजार ४९२ जाने मतदाता रहल बटै । यहाँ मतदान स्थल २४ ओ मतदान केन्द्र ६७ रहल बा ।

गौरीगंगा नगरपालिकामे १९ हजार ७४ पुरुष, २० हजार ९४४ महिला करके ४० हजार १८ जाने मतदाता संख्या रहल बा । यहाँ १७ मतदान स्थल ओ ४३ मतदान केन्द्र रहल बा । घोडाघोडी नगरपालिकामे २५ हजार ३९३ पुरुष, २६ हजार ६४७ महिला करके ५२ हजार ४० जाने मतदाता संख्या रहल बा । यहाँ १७ मतदान स्थल ओ ६० ठो मतदान केन्द्र रहल बा ।

चुरे गाउँपालिकामे ६ हजार २१७ पुरुष, ५ हजार ७०८ महिला करके ११ हजार ९२३ मतदाता संख्या रहल बा । यहाँ १४ ठो मतदान स्थल ओ २० ठो मतदान केन्द्र रहल बा । जानकी गाउँपालिकामे १७ हजार २१० पुरुष, १८ हजार १९६ महिला करके ३५ हजार ४ सय ६ जाने मतदाता संख्या रहल बा । यहाँ २० ठो मतदान स्थल ओ ४३ ठो मतदान केन्द्र रहल बा ।

जोशीपुर गाउँपालिकामे १२ हजार ५९१ पुरुष, १२ हजार ८५५ महिला करके २५ हजार ४४६ मतदाता संख्या रहल बा । यहाँ १३ ठो मतदान स्थल ओ ३१ ठो मतदान केन्द्र रहल बा । टिकापुर नगरपालिकामे २५ हजार ६४ पुरुष, २७ हजार ८०७ महिला, १ अन्य करके ५२ हजार ८७२ मतदाता संख्या रहल बा । यहाँ १६ ठो मतदान स्थल ओ ५७ ठो मतदान केन्द्र रहल बा । बर्दगोरिया गाउँपालिकामे १० हजार ६९८ पुरुष, ११ हजार ४८४ महिला करके २२ हजार १८१ मतदाता संख्या रहल बा । यहाँ १० ठो मतदान स्थल, २५ ठो मतदान केन्द्र रहल बा ।

भजनी नगरपालिकामे १७ हजार ११९ पुरुष, १६ हजार ८१० महिला, २ अन्य करके ३३ हजार ९३१ मतदाता संख्या रहद बा । यहाँ १८ ठो मतदान स्थल ओ ४३ मतदान केन्द्र रहल बा । मोहन्याल गाउँपालिकामे ६ हजार २४९ पुरुष, ५ हजार ७३५ महिला करके ११ हजार ९८४ मतदाता संख्या रहल बा । यहाँ १५ ठो मतदान स्थल ओ १८ ठो मतदान केन्द्र रहल बा । ओस्टेक करके लम्कीचुहा नगरपालिकामे २६ हजार ६९६ पुरुष ओ २८ सय २४८ महिला, २ अन्य करके ५३ हजार ९४६ मतदाता संख्या रहल बा । यहाँ १८ ठो मतदान स्थल ओ ६१ ठो मतदान केन्द्र निर्धारण हुइल आयोग जनैले बा ।

ओस्टेक करके सातु प्रदेशमे दश हजार ७ सय ५६ मतदानस्थल ओ २१ हजार ९ सय ५५ ठो मतदान केन्द्र निर्धारण हुइल निर्वाचन आयोग जनैले बा । जौन अनुसार १६ लाख ३२ हजार १५० मतदाता रहल सुदुरपश्चिम प्रदेशमे ११ सय ३५ मतदानस्थल ओ २१ सय ३ मतदान केन्द्र निर्धारण करल निर्वाचन आयोग जनैले बा ।

प्रदेश १ मे १८ सय ७७ मतदान स्थल रहेबेर ४ हजार ५१ मतदान केन्द्र निर्धारण करल बा । वहाँ ३३ लाख ४७ हजार ३८४ मतदाता रहल बटै । ३३ लाख ३१ हजार १७० मतदाता रहल मधेस प्रदेशमे २१ सय ६३ मतदानस्थल ओ ४ हजार १ ८९ मतदान केन्द्र रहल बटै । देशके राजधानी रहल ओ सवसे ढेर मतदाता रहल वागमती प्रदेशमे ३४ लाख १२ हजार ८६९ मतदाता रहल बटै । यी प्रदेशमे १७ सय ९२ ठो मतदानस्थल कायम रहल बटै कलेसे ४ हजार ९५ मतदान केन्द्रद्र कायम हुइल बा ।

१७ लाख ७९ हजार ४११ जाने मतदाता रहल गण्डकी प्रदेशमे १२ सय ५३ मतदान स्थल ओ २३ सय मतदान कन्द्रमार्फत मतदान हुइना बा । ३२ लाख १९ हजार ४७५ जाने मतदाता रहल लुम्बिनी प्रदेशमे १६ सय २९ मतदानस्थल ओ ३८ सय ३२ मतदान केन्द्र निर्धारण करल आयोग जनैले बा । उहोर १० लाख १ हजार २८२ मतदाता रहल कर्णालीमे ९ सय सात मतदानस्थल ओ १३ सय ८५ मतदान केन्द्र रहल बटै । देशभर ८९ लाख ९२ हजार १० जाने पुरुष मतदाता, १८३ अन्य ओ ८७ लाख ४१ हजार ५ सय ३० महिला करके १ करोड ७७ लाख ३३ हजार ७२३ मतदाता रहल बटै ।

७५३ स्थानीय तहमे कायम मतदाता, मतदानस्थल ओ मतदान केन्द्र आयोगसे तोकल हो । देशभर ६ महानगरपालिका, ११ उपमहानगरपालिका, २७७ नगरपालिका ओ ४६० ठो गाउँपालिका रहल बटै ओस्टेक देशभर ६ हजार ७४३ ठो वडा रहल बटै ।

जनाअवजको टिप्पणीहरू