थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १३ कुँवार २६४६, बिफे ]
[ वि.सं १३ आश्विन २०७९, बिहीबार ]
[ 29 Sep 2022, Thursday ]
‘ नेपाली काँग्रेस उम्मेदवारके प्रतिबद्धता ’

सेवासुविधा नइलेके पर्यावरणमैत्री ओ भ्रष्टाचाररहित वडासम

पहुरा | २२ बैशाख २०७९, बिहीबार
सेवासुविधा नइलेके पर्यावरणमैत्री ओ भ्रष्टाचाररहित वडासम

पहुरा समाचारदाता
धनगढी, २२ वैशाख ।
धनगढी उपमहानगरपालिका वडा नम्बर ११ के नेपाली काग्रेंस वडा अध्यक्ष सहित पदाधिकारीके उम्मेदवारी १६ बुँदे प्रतिवद्धता सार्वजनिक करले बटै ।

पर्यावरणमैत्री साथे भ्रष्टाचार रहित वडा कल्पना सहितके बुधके रोज वडाके उम्मेदवारहुक्रे प्रतिवद्धतापत्र सार्वजनिक करल हुइट । वडा अध्यक्षके उम्मेदवार श्यामबहादुर विष्ट वडा नम्बर ११ के विस्तृत परियोजना प्रतिवेदन तयार करके नगरके नमुना वडा बनैना प्रतिवद्धता व्यक्त करलै ।

वडा अध्यक्ष विष्ट वडाके हकमे कौनो सरकारी सुविधा नइलेके आइल रकम खेलकुद, शिक्षा, बृद्धा, एकल महिला, दलित ओ कृषिमे लगानी प्रतिवद्धता व्यक्त करलै ।

उहाँ बृद्धा तथा एकल महिलासे पैना भत्ता घरसम पुगैना सुविधा उपलब्ध करैनाm राना, थारु संग्राहलय बनाके रानाथारु होमस्टेके व्यवस्था करके पर्यटन प्रवद्र्धनमे टेवा पुगैना, विकासके गतिविधी ओ वित्तीय गतिविधीके बारेमे सक्कु वडावासीहुकनहे सूचित कैना प्रतिवद्धता व्यक्त करलै ।

उहाँ वडा नम्बर ११ हे लागुऔषध मुक्त वडा बनाके युवाहुकनहे स्वरोजगारके कार्यक्रमके पहुँचमे नन्ना, वडा क्षेत्रभिटर अपाङ्मैत्री सार्वजनिक शौचालय साथे शुद्ध खानेपानीके व्यवस्था कैना, वडाबासीहुकनके सुरक्षा सर्तकर्ताहे मध्यनजर करटी वडा क्षेत्रके प्रत्येक मुल सडक ओ शाखा सडकमे सडक बत्तीके साथे सुरक्षा निकायहे परिचालित करके अपराध न्यूनिकरण कैना अग्रसर रहना, सामुदायिक विद्यालयके स्तरोन्नती कराके कक्षा १० सम निःशूल्क शिक्षाके व्यवस्था कैना ओ छात्राहुकनहे निःशुल्क सेनेटरी प्याडके व्यवस्थाके साथे दक्षिणकाली प्राथमिक विद्यालयहे प्रदेशके नमुना विद्यालयके रुपमे परिणत कैना प्रतिवद्धतापत्रमे उल्लेख बा ।

प्राकृतिक विपद व्यवस्थापनहे मध्यनजर करटी आकस्मिक कोषके स्थापना करके आकस्मिक राहतके खाका तयार पारके सहजीकरण कैना, कृषिमे कृषि मिटर, विउविजन, मलखाद, कृषि औजारमे लगानी करके कृषकहे प्रोत्साहन कार्यक्रम सञ्चालन कैना, वालमैत्री सार्वजनिक उद्यान क्षेत्र निर्माण कैना, वडामे मुस्कान सहितके सेवा प्रदान कैनाफे प्रतिवद्धता पत्रमे उल्लेख बा ।

उम्मेदवार विष्ट अपने सदा सामाजिक कार्यमे क्रियाशिल रहल ओ वडाबासी कौनोफे कौनो विभेद नइधारके काम कैना बटैलै ।

जनाअवजको टिप्पणीहरू