थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १३ कुँवार २६४६, बिफे ]
[ वि.सं १३ आश्विन २०७९, बिहीबार ]
[ 29 Sep 2022, Thursday ]
‘ कैलारी काँग्रेसके प्रतिवद्धता ’

भ्रष्टचार मुक्तसे नमूना गाउँपालिका बनैनासम

पहुरा | २२ बैशाख २०७९, बिहीबार
भ्रष्टचार मुक्तसे नमूना गाउँपालिका बनैनासम

पहुरा समाचारदाता
हसुलिया, २२ वैशाख ।
कैलारी काँग्रेससे पाँच बरसे रणनीति ओ प्रतिवद्धतासहित चुनावी अभियान तिब्र बनैले बा ।

कैलारी गाउँपालिका नेपाली काँग्रेस तरफसे अध्यक्ष पदके उम्मेदवार राजसमझ चौधरी अपन प्रतिवद्धता पत्रमे भ्रष्टाचार मुक्त बनैनासे भौतिक रुपमे नमूना गाउँपालिका बनैनासम रहल बटैले बटै । २०७४ सालके निर्वाचनमे झिनो मतान्तरसे पराजय भोगल उहाँ पाँच बरससम जनताके मर्म बुझे घरदैलो पुगलपाछे मतदाताके चाहना अनुससार अशौफे प्रतिस्पर्धामे उटरल राजसमझ बटैलै । उहाँ कहलै, गाउँपालिका कागजमे उत्कृष्ट बनगिल कहटी नाक फुलैनासेफे भौतिक, सामाजिक, आर्थिक ओ सामाजिक रुपमे बास्तविक नमूना बनाके डेखैम ।

कैलारी काँग्रेसके प्रतिवद्धतापत्रमे का का समटेल बा टेः

आदरणीय डाईबाबा, डिडीबहिनीया ओ डाडुभैयाहुक्रे
हार्दिक जय नेपाल तथा नमस्कार ।

लौवा वर्ष २०७९ के आगमनसंगे वैशाख ३० गते सम्पन्न हुई जैटी रहल स्थानीय तहके निर्वाचनमे कैलारी गाउँपालिकामे नेपाली काँग्रेसके ओरसे अध्यक्ष, उपाध्यक्ष ओ ९ वडामे वडाध्यक्ष ओ सदस्य पदमे उम्मेदवारके रूपमे समृद्ध कैलारी गाउँपालिकाके आधार, स्वरोजगार एवं पूर्वाधारके योजना बोक्के यहाँहुकनके स्नेह, आशीर्वाद ओ अमूल्य मतके विनम्र अपेक्षासहित यहाँंहुकनके घरदैलोमे ठरहयाइल बटी । यी महत्वपूर्ण घडीमे नेपाली जनताके मुक्ति स्वतन्त्रता, न्याय ओ लोकतन्त्रके रक्षा तथा जनताके उन्नती ओ विकासके लाग हुइल सक्कु आन्दोलन ओ संघर्षमे अपन जीवनके उत्सर्ग कैना समस्त सहिदहुकनहे हृदयसे स्मरण करटी, स्थानीय तहके निर्वाचनमे उत्साह पूर्वक सहभागी हुके मतदान कैना कैलारी गाउँपालिकावासी आमाबुबा, डिडीबहिनीया ओ डाडुभैयामे हार्दिक अपिल करटी ।

आत्मासात, प्रण ओ आहवान

आत्मसातः कैलारीगाउँपालिका सक्कु जनताके विकासप्रतिके तीव्र भावना ओ समृद्ध कैलारी गाउँपालिकाके आधार, स्वरोजगार एवं पूर्वाधार ओ जनताके गुणस्तरीय जीवनके परिकल्पनाहे आत्मसात करटी ।

प्रणः हम्रे भ्रष्टाचार नइकैबी ओ करेफे नइडेबी । गाउँपालिकावासीके सेवासुविधा, विकास ओ समृद्धिके लाग अहोरात्र खटना प्रणफे करटी ।

अठोटः समृद्ध कैलारी गाउँपालिकाके आधार, स्वरोजगार एवं पूर्वाधार ओ विकासप्रतिके आकांक्षाहे अनवरतरूपमे पूरा कैना कैलारी गाउँपालिकावासीके स्नेह ओ समर्थनके अपेक्षाके साथ कैलारी गाउँपालिकाहे शिक्षा, स्वास्थ्य, भौतिक विकासके साथैे मानव संसाधनके यथोचित विकास करके नागरिकहे गुणस्तरीय जीवनयापन कैना योग्य तुल्यइना अठोट करटी ।

आह्वानः नेपाली काँग्रेसके ओरसे कैलारी गाउँपालिकामे अध्यक्ष, उपाध्यक्ष ओ ९ वडामे वडाध्यक्ष ओ सदस्य पदमे उम्मेदवारी रहल बा । हम्रे सक्कुहुनके संकल्प कैलारी गाउँपालिकावासीके जीवनमे गुणात्मक परिवर्तन नन्ना अठोटसहितके समुन्नत ओ समृद्ध कैलारी गाउँपालिका बनैना नेपाली काँग्रेसके ओरसे मतदानमे उत्साह पूर्वक सहभागी हुइना आह्वान करटी सक्कु डाईबाबा, डिडीबहिनीया, डाडुभैयामे हार्दिक अपिल करटी ।

हमार प्रमुख प्रतिवद्धताः

पूवार्धार विकास

१. गाउँपालिकाभिटरके धुले सडकमे ग्राभेलिङ कैना, वडाभिटरके मूल सडकहे प्राथमिकताके आधारमे ढल निकाससहितके सडक कालोपत्रे कैना ।

२. शिक्षाके विकासके लाग कैलारी गाउँपालिकामे बहुमुखी क्याम्पसके स्थापना कैना पहल कैना ।

३. प्राविधिक शिक्षाके लाग गाउँपालिकासे संचालन कैना करके कृषि, इन्जिनियरिङ्ग, होटल म्यानेजमेन्ट ओ वनविज्ञान बहुप्राविधिक शिक्षालय संचालन कैजाई । साथे बहुप्राविधिक शिक्षा तथा व्यावसायिक तालिम केन्द्रके स्वीकृतमे संचालनमे रहल सामुदायिक विद्यालयहे थप सुविधा प्रदान करजाई ।

४. स्वास्थ्य सेवाके लाग १५ शैयाके विशेषज्ञ सहितके गाउँपालिकाके मुख्य अस्पताल रहना करके अस्पताल स्थापना कैजाई ।

५. सुर्मीनाला–बढैपुर सडकखण्ड कालोपत्रेके लाग संघीय ओ प्रदेश सरकारसंग विशेष प्राथमिकताके साथ पहल कैना ।

६. गाउँपालिका भिटरके सक्कु वडामे ओभरहेड ट्याङ्की निर्माण करके ३ वर्षभिटर एक घर एक धारा व्यवस्था कैना ।

७. खानेपानीके ट्याङ्की निर्माण हुइल वडामे पाईपलाइन विस्तार करके १ वर्षभिटर घरघरमे शुद्ध खानेपानी वितरण कैना ।

८. निर्वाचित हुइल ६ महिनाभिटर गाउँपालिकाके अपने बारुण यन्त्र (दमकल)के व्यवस्था कैना ।

९. प्रत्येक वडामे अक्सिजनसहितके एक÷एक ठो एम्बुलेन्सके व्यवस्था करजाई ।

१०. विसनपुर–मन्झरा जोरना कटैनी लडियामे पक्की पुलके निर्माणके लाग पहल कैना ।

११. हौसलपुर, शिवरत्नपुर, मोहनपुरमे आवतजावतके लाग मोहना लडियामे झोलुङ्गे पुल निर्माणके लाग तत्काल पहल कैना ।

कृषि क्षेत्रओरः

१. कृषि विकासके दीर्घकालीन योजना बमोजिम कृषिमे यान्त्रीकरण, वितरण, सौर्य सिंचाई तथा कृषि मिटरके व्यवस्था, मूल तथा उन्नत जातके विउ उत्पादन ओ वितरण, जैविक तथा रासायानिक मलखादके समयमे उपलब्ध करैना ।

२. गुरगी बाँध निर्माणके लाग विशेष पहल कैना, साथे प्रत्येक वडामे सिंचाई सुविधाके लाग आवश्यक ठाउँमे डिप बोरिङके योजना आघे बह्रैना ।

३. कृषकहुकनके उत्पादनहे सुरक्षित रख्न कोल्डस्टोर ओ कृषिउपज संकलन केन्द्र स्थापना करजाई ।

४. कृषकसे उत्पादन करल कृषि उपजहे उचित बजार मूल्यके लाग बजारीकरणके व्यवस्था कैना ओ दूध संकलन केन्द्रके स्थापना करके घरघरमे दुग्ध संकलनके व्यवस्था कैना ।

५. प्रत्येक वडामे कृषि तथा पशु उपशाखाके व्यवस्था कैना ।

६. कृषि हाटबजारके व्यवस्थापन करजाई ।

७. स्थानीय वातावरण हेरके मुरगीपालन, बंगुर पालन, डेरी उद्योग, पुष्प व्यवसाय, उन्नत जातके पशुपालन ओ मच्छीपालन जैसिन व्यवसायमे अनुदानके व्यवस्था करजाई ।

८. स्थानीय कृषि सहकारी संस्थामार्फत किसानहे मलखाद, किटनाशक औषधि, कृषि औजार ओ वीऊविजन सहुलियत दरमे उपलव्ध करैना ।

९. एक गाउँ बहु उत्पादन नीति अनुसार कृषिमे विशेष अनुदान तथा सहयोगके कार्यक्रम सञ्चालन करजाई ।

१०. अर्गानिक कृषि खेतीहे प्रोत्साहन करके ओकर बजारीकरणमे सहयोग करजाई ।

११. प्राकृतिक सम्पदा अन्तर्गत ताल तलैयाके मर्मत सम्भार करटी पर्यटकीय अवधारण अनुरूप विकास करजाई ।

१२) कृषि बिमा कार्यक्रम संचालन करजाई ।

स्वास्थ्य, शिक्षा तथा खेलकुदः

१. प्रसूति केन्द्रमे आधुनिक सामग्रीसहित स्तरोन्नती कैना, नेपाल सरकारसे प्राप्त हुइना निःशुल्क औषधिके उपलब्धता करैना व्यवस्था कैना ।

२ दीर्घ रोगी, सिकलसेल रोग, जेष्ठ नागरिक एवं टमान रोगीहुकनके लागल उपचारके लाग विशेष मेरिक स्वास्थ्य शिविर संचालन ओ ओइनके लाग निःशुल्क स्वास्थ्य विमा कैना ।

३. मुक्तकमैया, दलित, विपन्न परिवारके छावा छाई साथे उत्कृष्ट नतिजा नन्ना विद्यार्थीहुकनहे कक्षा ११ ओ १२ मे अध्ययन करेक लाग छात्रवृति कोषके स्थापना कैना ।

४. विद्यालयलमे ई–लाइब्रेरी,आधुनिक विद्यालय भवन, वाचनालय ओ विज्ञान प्रयोगशाला निर्माण करजाई ।

५. निजी स्रोतके शिक्षकहुकनहे गाउँपालिका शिक्षकमे परिणत करके तलव भत्ता सुविधा सरकारी शिक्षक सरह बनैना संघीय ओ प्रदेश सरकारसंग पहल कैना ।

६. राहत शिक्षक दरबन्दीहे सरकारी दरबन्दीमे परिणत कैना पहल करजाई ।

७. बाल विकास केन्द्रके शिक्षकहुकनहे आधारभूत तहके सेवासुविधा उपलब्ध करैना ।

८. विद्यालयमे बालबालिकाके शतप्रतिशत पहुँच पुगैना हेप्पी स्कुलके अवधारणा अन्तर्गत चार वर्षसमके बालबालिकाहे अनिवार्य विद्यालय भर्ना कार्यक्रम संचालन करके विद्यार्थी भर्ना दरमे बृद्धि करजाई साथे पाँच वर्षमे विद्यार्थीहुकनके विद्यालय छोरना दर शुन्यमे झारजाई । ओकर लाग खाजा, छात्रवृति तथा अन्य आवश्यक कार्यक्रम सञ्चालन करजाई ।

९. कैलारी गाउँपालिकाहे पूर्ण बालश्रम मुक्त पालिका बनाजाई ।

१०. एक विद्यालय एक नर्सके व्यवस्था करजाई ।

११. हरेक विद्यालयमे स्थानीय पाठ्यक्रम तयार करके लागू करजाई ।

१२. निजी विद्यालयहुकनहे पालिकासे हुइना सेवासुविधामे सहजीकरण करके शुल्क अनुसार सेवासुविधा हुइल नइहुइल अनुगमन करजाई ।

१३. स्थानीय मातृभाषामे पाठ्यक्रम ओ पाठ्यपुस्तक तयार करके लागू करजाई ।

१४. बालविकास शिक्षक/शिक्षिका तथा कर्मचारीहुकनके मागहे सम्बोधन कैना ।

१५. प्रत्येक वडामे रहल खेल मैदानहे स्तरोन्नती कैना, खेलाडीहुकनहे क्षेत्रीय तथा राष्ट्रियस्तरके खेलकुदमे सहभागी करैना । राष्ट्रिय स्तरमे प्रथम, द्वितीय ओ तृतीय हुइना खेलाडीहे रु. पचाँस, तीस ओ बीस हजार पुरस्कार उपलब्ध करैना ।

१६. महिला स्वास्थ्य स्वयंसेविकाहे प्रोत्साहन भत्ता मासिक रु. २,००० डेना ।

वातावरण तथा विपत व्यवस्थापनः

१. कैलारी गाउँपालिका भिटर बहना लडियासे हुइना बाढ, डुबान ओ कटानके समस्या समाधान कैना लडियामे तटबन्धनके व्यवस्था करजाई ।

२. वन्यजन्तुसे प्रभावित क्षेत्रमे क्षति न्यूनीकरणके लाग डिभिजन वन कार्यालयसंगके सहयोगमे दीर्घकालीन उपाय अवलम्बन कैना ।

२. प्राकृतिक विपद बाढ ओ आगलागीसे प्रभावित जनताहे तत्काल राहत उपलब्ध कराइक लाग स्थानीय दैविक उद्धार प्रकोप कोषके स्थापना कैना ओ उच्च बास स्थानके व्यवस्था कैना साथे मानवीय ओ भौतिक सम्पतिके बिमा अनिवार्य कैना व्यवस्था कैना ।

३. भिषण आगलागीसे ध्वस्त कैलारी गाउँपालिका–७, विपतपुर मुक्तकमैया वस्तीके निर्वाचित हुइल २ महिनाभिटर दीर्घकालीन पुनस्र्थापना ओ पक्की आवास निर्माण कैना संघीय ओ प्रदेश सरकारसंग पहल कैना ।

४. मोहना, घुराहा, कटैनी लडियासे हुइना डुबान, पटान ओ कटान जैसिन प्राकृतिक विपत न्यूनीकरण ओ नियन्त्रण कैना जैविक तथा भौतिक तटबन्धनके व्यवस्था कैना ।

सामाजिक विकास सुशासनओर

१. थारु समुदायके प्राचीन भल्मन्सा÷बडघर प्रथाके जर्गेना कैना ओ कानूनी व्यवस्थापन करके ओइनके क्षमता अभिवृद्धिके कार्यक्रम संचालन कैना ।

२. थारु समुदायके मौलिक सांस्कृति, भाषा, कला ओ साहित्यके पहिचान करके विकास कैना । साथे और समुदायके कला संस्कृतिके प्रवद्र्धन कैना ।

३. गाउँपालिकाहे भ्रष्टाचार मुक्त कैना सक्कु भौतिक निर्माण ओ पालिकाके सक्कु कार्य डिजिटल बोर्ड मार्फत सार्वजनिक कैना ।
४. करके दर न्यून कैना ओ करके दायरा बढैना ।

५. टमान समयमे नाप नक्सा रहल ओ नाप नक्सा कैना क्रममे रहल, जग्गाके स्वामित्व नइपाइल मने पैना योग्य पर्ती जमिनके लालपूर्जा यथाशीघ्र वितरण करजाई ।

६. घर जग्गाके मालपोत वैज्ञानिक कर प्रणली मार्फत निर्धारण कैना जेम्ने डगरघाट लगेक जग्गा, व्यापरिक भवन ओ खेती योग्य जमिन वर्गीकरण करके फरक–फरक कर दर निर्धारण कैना ।

७. प्रचनलमे रहल पुराना प्रस्तावित सडकहुकनहे सार्वजनिक डगरमे रूपमे नक्सामे रेखांकन कैना ।

८. स्थानीय रोजगारीके अवसरके सृजना करटी वैदेशिक रोजगारीहे व्यवस्थित ओ सुरक्षित बनैना ।

९. सरकारी जागिरके लाग योग्यता प्राप्त हुसेकल शिक्षित यूवा युवतीहुकनहे टमान तहके लोकसेवा आयोग परीक्षाके तयारी कक्षा निःशुल्क संचालन कैना ।

१०. बृद्ध भत्ता, एकल महिला भत्ता ओ अपाङ्गता भत्ताहे घरघरमे लागके जनप्रतिनिधिके रोहवरमे कर्मचारी वितरण कैना व्यवस्था करजाई ।

महिला/अल्पसंख्यकहुकनके लाग उद्यमशिलता ओ स्वरोजगार कार्यक्रम

१. एकल, अशक्त, अतिविपन्न वर्गके लाग आयआर्जन, उद्यमशिलता ओ स्वरोजगार कार्यक्रम संचालन करजाई । ओइनहे सहुलियत दरके कर्जा सहज रूपमे उपलब्ध करैना बैंकहुकनसंग सहजीकरण करजाई ।

२. सार्वजनिक शौचालय, सरकारी कार्यालय ओ सार्वजनिक स्थानमे स्तनपान तथा शिशु नर्सिंग कोठाके व्यवस्था करजाई ।

३. हरेक नागरिकके स्वास्थ्य तथा जीवन बिमा अनिवार्य करजाई । ओकर लाग बिमा कम्पनीहुकनसंग सहकार्य करजाई ।

४. संचार क्षेत्रके विकास एवं विस्तारके लाग स्थानीय संचार नीति बनाके विज्ञापन, सूचना, संचार सामग्री खरिदमे अनुदानके व्यवस्था करजाई ।

५. कैलारी गाउँपालिका भिटरके भारी योजना सञ्चालनके लाग प्रदेश ओ संघीय सरकारसंग सहकार्य करजाई ।

जनाअवजको टिप्पणीहरू