युनियनसे प्रतिनिधि खटाइल

पहुरा समाचारदाता
धनगढी, २२ वैशाख । नेपाल प्रेस युनियन कैलालीसे १३ स्थानीय तहमे प्रतिनिधि खटैले बा । वैशाख ३० गते हुई लागल स्थानीय तहके निर्वाचनहे लक्षित करके नेपाली काँग्रेसके उम्मेदवारहुकनके चुनावी सभा, घरदैलो अभियान लगायतके टमान गतिविधीबारे समाचार संकलन ओ समन्वय कैना प्रतिनिधि खटाइल हो । युनियनसे प्रदेशके एक ठो केल उपमहानगरपालिकामे गगन अयडी ओ तिलक ओझाहे खटाइल बा ।

छ/छ ठो नगरपालिका ओ गाउँपालिकामेफे प्रेस युनियनमे आवद्ध सञ्चारकर्मीहुकनहे खटाइल हो । गोदावरी नगरपालिकामे राजकुमार साउद ओ शारदा फुलारा, गौरीगंगा नगरपालिकामे दिनेश दहित ओ भोज मन्नी, घोडाघोडी नगरपालिकामे वीरेन्द्र शाह ओ चन्द्रप्रकाश चौधरी (विवश), लम्कीचुहा नगरपालिकामे लोकबहादुर देउवा ओ युवराज न्यौपाने, टीकापुर नगरपालिकामे टेक सोडारी ओ लोकेन्द्र रावल, भजनी नगरपालिकामे जय बुढा ओ रामनारायण चौधरीहे खटाइल बा ।

ओस्टेक, कैलारी गाउँपालिकामे प्रेम चौधरी ओ कृतबहादुर विष्ट, जोशीपुर गाउँपालिकामे धर्मेन्द्र विष्ट ओ सुधराम दहित, जानकी गाउँपालिकामे रतन चौधरी ओ नेत्रप्रसाद न्यौपाने, मोहन्याल गाउँपालिकामे मदन शाही ओ प्रवित्रा ढकाल, बर्दगोरिया गाउँपालिकामे टीकाराम साउद ओ गोविन्द विसी, चुरे गाउँपालिकामे दीपक ओझा ओ केशव धामीहे खटाइल प्रेस युनियन कैलाली जनैले बा ।