थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १३ कुँवार २६४६, बिफे ]
[ वि.सं १३ आश्विन २०७९, बिहीबार ]
[ 29 Sep 2022, Thursday ]
‘ कैलारीमे राप्रापाके घोषणापत्र ’

कृषकके लाग समयमे मलखाद ओ बिउविजन

पहुरा | २३ बैशाख २०७९, शुक्रबार
कृषकके लाग समयमे मलखाद ओ बिउविजन

पहुरा समाचारदाता
हसुलिया, २३ वैशाख ।
कैलारी गाउँपालिकामे राप्रापासे ५ वर्षे कार्यकालके कार्यनीति सहित आपन प्रतिवद्धता पत्र सार्वजनिक करले बा ।

पार्टीसे गाउँपालिकामे भौतिक पूर्वाधारके विकाससँगे टमान लडियासे कटान डुबान हुइना समस्याहे मध्यनजर कैटी लडिया नियन्त्रणहे प्राथमिकता डेले बा । यकर साथे विद्यार्थीनहे कक्षा १२ सम निःशुल्क भर्ना ओ ड्रेस उपलब्ध करैना, हरेक सामुदायिक विद्यालयमे अँग्रेजी माध्यममे निःशुल्क शिक्षाके व्यवस्था कैना उल्लेख करले बा ।

ओस्टके पार्टीसे कृषकके लाग मलखाद, बिउ विजनके समयमे उपलब्धता, किसानसे उत्पादन करल उपजहे सरकारसे तोकल समर्थन मुल्य डेहुवाइना, कृषि यान्त्रीकरणमे अनुदानके व्यस्था लगायत मालपोत, घर कर, सिफारिस दस्तुर घटैना प्रतिवद्धता पत्रमे उल्लेख करले बा ।

गाउँपालिकाके लाग अध्यक्षके उम्मेदवार होमबहादुर गुरुङ ओ उपाध्यक्षके उम्मेदवार पिङ्गला थारु रहल बाटै ।

प्रतिवद्धता पत्रके पूर्णपाठ

आदरणिय दाजु भैया डिडी बहिनीहुक्रे रा.प्रा.पा. के हलो चिन्हमे मतदान कैके विजय करा डेना हार्दिक अपिल कैटी तपसिल बमोजिमके कार्यनीति ५ वर्षे कार्यकालमे कार्यान्वयन करब कना पूर्ण प्रतिबद्धता व्यक्त कैना चाहटी ।

तपसिल

१. कक्षा १२ सम ड्रेस, भर्ना फिस समेत निःशुल्क ओ गुणस्तरिय शिक्षा डेना व्यवस्था कैना ।

२. हरेक सामुदायिक विद्यालयमे दीपेन्द्र मावि जस्टे अँग्रेजी माध्यममे निःशुल्क शिक्षा डेना व्यवस्था कैना ।

३. निजी स्रोतके बालविकासके शिक्षकके सेवा सुविधामे बृद्धि कैके गुणस्तरिय शिक्षा डेना ।

४. दरवन्दी वाला शिक्षकहे विद्यालय ओ शिक्षाके गुणस्तर बृद्धि कराइक लाग प्रेरित कैना ।

५. कैलारी गाउँपालिका भिट्टरके जनताके प्राथामिक स्वास्थ्य उपचार निःशुल्क उपलब्ध करैना ।

६. महिला स्वास्थ्य स्वंयसेविकाहे प्रत्येक घर दैलोमे आउर प्रभावकारी ढंगसे स्वास्थ्य सेवा पुगाइल वापत थप प्रोत्सहन भत्ताके व्यवस्था कैना ।

७. महिला डिडी बहिनीया (कृषक)से उत्पादन करल टिनाटावन खेतीहे व्यवसायीक रुपमे लैजैना ओ स्थानिय बजारमे खपत नैहुइल टिनाटावनहे धनगढी बजारसम पुगैना व्यवस्था पालिका सरकारसे कैना ।

८. गाउँपालिकाके ९ वडाके महिला डिडी बहिनीयाहे सुत्केरी भत्ता मासिक रु. ३०००। के दर ३ महिनासम डेना ।

९. प्रत्येक भलमन्साहे गाउँ समाज परिचालन, विकास निर्माण कैना पुगाइल योगदानके कदर स्वरुप प्रोत्साहन भत्ताके व्यवस्था ओ कानुनी रुपमे वैधानिकता डेहुवाइना पहल कैना ।

१०. कृषि प्राधान देश कना मने राष्ट्रसे उपेक्षा करल किसानहे सरकारसे मल, बिउ, डिजल उपलब्ध कराइ नैसेकल अवस्थामे कृषकहे भारतसे मल, बिउ विजनहे लानक लाग निर्वाध रुपमे लन्ना व्यवस्था मिलैना राज्यसे पहल कैना ।

११. कृषकसे उत्पादन करल उपजहे सरकारसे तोकल समर्थन मुल्य डेहुवाइना व्यवस्था कैना ।

१२. सरकारसे जनताहे उपलब्ध कराइल पावर टिलर, ईन्जन, वोरिङ्ग, मोटर तथा टमान मेरके अनुदानहे आपन कार्यकर्ताके भरण पोषणके माध्यम नैबनाके गरिबीके आधारमे समान रुपमे वितरण कैना ।

१३. गापासे हुइना भौतिक विकासहे राजनितिकरण नैकैके आवश्यक ओ अतिआवश्यकताके आधारमे समान दृष्टिसे नौ वडामे वाँडफाट कैना । मने ९ नं. वडाके जनताके पिडाहे मध्यनजर कैके घुरही लडियामे पुल निर्माणके लाग गापाके पहिल बजेट बाँडफाटमे समावेस कैना ।

१४.हालसम जनताहे लगाइल मालपोत, घर कर, सिफारिस दस्तुर घटैना ।

१५.२–३ बरस भित्रे कृषकके उत्पादनहे भण्डारण कैना एकठो चिस्यान केन्द्र खोलके कृषकहे आलु, तरकारी, प्याज, उत्पादन कैना प्रेरित कैके कृषकके आय आर्जन बृद्धि करैना ।

१६.कैलारी गापा भिट्टर रहल कृषि सहकारीहे जनताके जिवन स्तर उकासक लाग कृषिमे आधारित उद्योग संचालन करैना व्यवस्था कैना ।

१७. राप्रापासे जिटल गापाभर राज्यसे तोकलसे ढिउर विगत जस्टे पालिका बैठकसे निर्णय कैके जनताके टिरल करसे कौनो मेरके सेवा सुविधा नैलेना ।

१८. पुर्वाधारके विकास सँगे लडिया नियन्त्रणहे फेन प्राथमिकता डेना ।

१९. प्रत्येक राष्ट्रसेवक कर्मचारी शिक्षकहे ईमान्दारीता पूर्व जनताके सेवामे समर्पित हुइना प्रेरित कैना ।

२०. गुर्गी बाँधके २२ गाउँके हालसम सिंचाईसे बञ्चित कृषकके पिडाहे मध्य मजर कैटी सरकारसे जोरदार माग कैके सिँचाई सुविधा पुगैना व्यवस्था कैना ।

२१. कैलारी गापाके क्लकके यूवा खेलाडीहे गापा भिट्टर किल सिमित नैकराके प्रतिस्प्रधी क्षमताके बृद्धि कराके जिल्ला ओ राष्ट्रिय स्तरके प्रतियोगितामे सहभागी हुइ सेक्ना क्षमताके बृद्धि कैना ।

२२. यूवा तथा विद्यार्थीनके बृद्धि विकासके लाग प्रत्येक वडामे फ्री वाईफाई सेवा डेना व्यवस्थाके सुरुवात कैना ।

२३. कैलारी गापा भिट्टर संम्बन्धन प्राप्त कैके संचालन हुइ लागल बहुमुखी क्याम्पसहे शिक्षा मंन्त्रालयसे हालसम रोक्का राखके संचालन हुइ नैसेकल, क्याम्पसहे यथासिघ्र संचालन करजैना ।

२४. विपत व्यवस्थापनके लाग दमकलके व्यवस्था कैना ।

जनाअवजको टिप्पणीहरू