थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १३ कुँवार २६४६, बिफे ]
[ वि.सं १३ आश्विन २०७९, बिहीबार ]
[ 29 Sep 2022, Thursday ]

चुनावके बेला मदिरा विक्रीवितरण कैना रोक

पहुरा | २४ बैशाख २०७९, शनिबार
चुनावके बेला मदिरा विक्रीवितरण कैना रोक

पहुरा समाचारदाता
धनगढी, २४ वैशाख ।
कैलालीमे स्थानीय तह निर्वाचनहे लक्षित कैके मदिरा बिक्री वितरणमे रोक लगैना हुइल बा ।

जिल्ला प्रशासन कार्यालय कैलालीसे शनिच्चरके सार्वजनिक सूचना जारी कैटी वैशाख २७ गते रात १२ बजेसे मतगणनाके अन्तिम परिणाम घोषणा नैहुइटसम मादक पदार्थ बिक्री वितरणमे रोक लगैना हुइल हो । वैशाख ३० गते हुइना निर्वाचनहे स्वच्छ, निष्पक्ष, भयरहित ओ शान्तिपूर्ण रूपमे सम्पन्न कैना जारी करल निर्वाचन आचारसंहिता अनुसार रोक लगाइल जिल्ला प्रशासन कार्यालय कैलालीके सूचना अधिकारी शिवराज जोशी जानकारी डेलै ।

उहाँ निर्वाचन सुरक्षा (व्यवस्थापन) निर्देशिका, २०७८ को दफा ६(थ) ओ स्थानीय प्रशासन ऐन, २०२८ के दफा ६ के उपदफा (३) के खण्ड (क) बमोजिम पूर्ण रुपमे निषेध करल जानकारी डेलै ।

प्रशासनसे जारी करल आदेशके उल्लङ्घन करल पाइलमे प्रचलित ऐन कानुन बमोजिम कारबाही कैना समेत जनाइल बा । सार्वजनिक भवन, उद्यान, सडकके पोल वा कौनो फेन सार्वजनिक स्थानमे दलके झण्डा, दल वा उम्मेदवारके निर्वाचन चिह्न राख्न वा टासे नैपैना ओ कौनो फेन उम्मेदवार आपन कार्यालय बाहेकके स्थानमे झण्डा, दल वा उम्मेदवारके चुनाव चिह्न, कौनो मेरके डिजिटल बोर्ड, फ्लेक्स प्रिन्ट ओ ग्लुसाइन बोर्ड राखे तथा श्रव्य सामाग्री बजाइ ओ श्रव्यदृश्य सामग्री प्रर्दशन नैकरे पैना जनाइल बा ।

जारी सूचना अनुसार १८ बरस उमेर पूरा नैहुइल बालबालिकाहे निर्वाचन प्रचारप्रसारमे प्रयोग करे/कराइ नैपैना तथा माइक वा लाउडस्पिकर प्रयोग कैके सर्वसाधारण जनताके स्वास्थ्यमे प्रतिकूल असर पर्ना मेरके राजनीतिक दल वा उम्मेदवारके गीत÷नारा बजैना जैसिन कार्यमे फेन प्रतिबन्ध करल बा ।

ओइसीन क्रियाकलाप करल रहलेसे तत्काल रोक्न वा हटैना सम्बन्धित सक्कु जनहनहे अनुरोध करल बा । कुहीसे निर्वाचन आचारसंहिता विपरितके कार्य हुइल करल पाइलमे सुरक्षाकर्मीनके प्रयोग कैके उल्लेखित प्रतिबन्धित कार्य नियन्त्रण करजैना तथा हटैना ओ प्रचलित कानून बमोजिम कारवाहीके लाग निर्वाचन आयोगमे सिफारिश करजैना प्रशासनसे जारी सूचनामे उल्लेख करल बा ।

48FA0D9B_FD59_4F8A_A645_C14A116EC293.jpeg

जनाअवजको टिप्पणीहरू