थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १३ कुँवार २६४६, बिफे ]
[ वि.सं १३ आश्विन २०७९, बिहीबार ]
[ 29 Sep 2022, Thursday ]

कैलारी काँग्रेससे चार ठो वडामे र्‍याली तथा चुनावी भेला

पहुरा | २४ बैशाख २०७९, शनिबार
कैलारी काँग्रेससे चार ठो वडामे र्‍याली तथा चुनावी भेला

पहुरा समाचारदाता
हसुलिया, २४ बैशाख ।
कैलारी काँग्रेससे शनिच्चरके रोज चार ठो वडामे र्‍याली तथा चुनावी भेला करले बा ।

नेपाली काँग्रेससे कैलारी गाउँपालिकाके वडा नम्बर ५, वडा नम्बर ३, वडा नम्बर १ ओ वडा नम्बर ८ मे र्‍याली तथा चुनावी भेला करल हो । नेपाली काँग्रेसके ओरसे कैलारी गाउँपालिका अध्यक्ष पदके उम्मेदवार राजसमझ चौधरी, उपाध्यक्ष पदके उम्मेदवार भगवतीकुमारी चौधरी लगायत वडाध्यक्ष, सदस्य लगायत सैयो कार्यकर्ताहुकनके सहभागितामे र्‍याली तथा चुनावी भेला करल नेपाली काँग्रेस कैलारी गाउँपालिकाके सचिव मीना चौधरी बटैली ।

कैलारी गाउँपालिका वडा नम्बर ५ मे वडाध्यक्ष पदके उम्मेदवार विष्णु चौधरी अपने जिटलपाछे कैना कामके प्रतिवद्धता प्रस्तुत करले रहिट । ओस्टेक वडा नम्बर ३ मे वडाध्यक्ष पदके उम्मेदवार सन्तराम चौधरी, वडा नम्बर १ मे वडाध्यक्ष पदके उम्मेदवार ध्वजहरिपाल बोहरा, वडा नम्बर ८ मे वडाध्यक्ष पदके उम्मेदवार तारामल कठरिया प्रतिबद्धता प्रस्तुत करले रहिट ।

जनाअवजको टिप्पणीहरू