थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १३ कुँवार २६४६, बिफे ]
[ वि.सं १३ आश्विन २०७९, बिहीबार ]
[ 29 Sep 2022, Thursday ]

हमार लाग बेइमानी ओ षडयन्त्र स्वीकार्य नैहोः प्रचण्ड

पहुरा | २६ बैशाख २०७९, सोमबार
हमार लाग बेइमानी ओ षडयन्त्र स्वीकार्य नैहोः प्रचण्ड

पहुरा समाचारदाता
हसुलिया, २६ वैशाख ।
नेकपा (माओवादी केन्द्र) के अध्यक्ष एवं पूर्व प्रधानमन्त्री पुष्पकमल दाहाल प्रचण्ड नेपाली कांग्रेससे गठबन्धनभिट्टर धोखा डेह लागल आशंका व्यक्त करले बाटै ।

अट्वारके कैलालीके कैलारी गाउँपालिकाके हसुलिया बजारमे आयोजित चुनावी सभाहे सम्बोधन कैटी उहाँ गठबन्धन दलके सहमति विपरित कांग्रेस उम्मेदवारी डेहे लगाके धोखा डेहल कहिके आशंका व्यक्त करल हुइट ।

उहाँ कहलै, ‘नेपाली कांग्रेसके एक जाने स्थानीय नेतासे फेन मोर बात हुइल । मै ओ प्रधानमन्त्री शेरबहादुर देउवासँगे आइल बाटी । वहाँसे बात कैके कांग्रेससे जैसिक उम्मेदवारी डेले बाटै, खारेज नैहुइना हो कलेसे हम्रे अकली चुनाव लरेपरल । हमार उम्मेदवारहे विजय करैना अपिल करटुँ । हमार लाग बेइमानी ओ षडन्त्र स्वीकार्य नैहो ।’

ओस्टके, उहाँ आभिन गठबन्धन क्लियर नैहुइल बटैटी अपनेहुक्रे गठबन्धनके मर्म अनुसार उम्मेदवारी डेहल उम्मेदवार ओ प्राविधिक कारण स्वतन्त्र उम्मेदवारी डेहे पुगल आपन उम्मेदवारहे अत्याधिक मतसे विजयी करैना अपिल समेत करलै ।

माओवादी केन्द्र कैलारी गाउँपालिका अध्यक्ष बतासु चौधरीतके अनुसार शनिच्चरके कैलाली पुगल उहाँ अँट्वारके कालिकोट, धनगढी, डोटी ओ कञ्चनपुरके बेलौरीमे आयोजित चुनावी सभाहे सम्बोधन कैना कार्यक्रम रहल बा ।

जनाअवजको टिप्पणीहरू