थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १३ कुँवार २६४६, बिफे ]
[ वि.सं १३ आश्विन २०७९, बिहीबार ]
[ 29 Sep 2022, Thursday ]

धनगढी नगरप्रमुखके स्वतन्त्र पदके उम्मेदवार भट्टसे वडहे समर्थन

पहुरा | २६ बैशाख २०७९, सोमबार
धनगढी नगरप्रमुखके स्वतन्त्र पदके उम्मेदवार भट्टसे वडहे समर्थन

पहुरा समाचारदाता
धनगढी, २६ वैशाख ।
धनगढी उपमहानगरपालिकाके नगरप्रमुख पदमे स्वतन्त्र पदसे उम्मेदवारी दर्ता कराइल मदनकृष्ण भट्ट सत्ता गठबन्धनके उम्मेदवारहे समर्थन करले बटैं ।

वैशाख ३० गते हुइना स्थानीय तहके निर्वाचनके लाग सोम्मार आठ बुँदे सहमति करटि सत्ता गठबन्धनके नृपबहादुर वडहे उहाँक समर्थन करले बटैं ।

‘मै नगरप्रमुख पदमे स्वतन्त्र उम्मेदवारी डेहलमे मोर तपसिलके मुद्दामे अपन समर्थन जनाके सहकार्य करना कना सहमतिके आधारमे गठबन्धनके ओरसे नगरप्रमुख पदके उम्मेदवार नृपबहादुर वडसे सहमति जनाइल ओरसे नगरप्रमुखके उम्मेदवारमध्ये सबसे उत्कृष्ट, क्रियाशिल ओ विकास तथा समृद्धिके मुद्दा उठान करना ओ समाधानके लाग सक्रिय तथा स्वच्छ छवीके उम्मेदवार वडहे समर्थन करले बटु,’ भट्टसे जारी विज्ञप्तिमे कहल बा ।

उहाँ पार्टीमे समाहित हुइना निर्णय करले फेन जानकारी डेलैं ।

‘सक्कु शुभचिन्तक, इष्टमित्र, साथीभाइ तथा आम मतदातामे गठबन्धनके ओरसे आघे सारल उम्मेदवारहे मतदान कैके सहयोग करडेना विनम्र अनुरोध करटु,’ उ विज्ञप्तिमार्फत आग्रह करलैं ।

उपमहानगरपालिका भित्तरके माध्यमिक तहके विद्यार्थीहुकनहे निःशुल्क अध्ययनके व्यवस्था करना, स्वास्थ्य समस्याहे सबसे ढेर महत्व डेके समाधान करना, डुवानके समस्या अविलम्व समाधान करना, ‘भ्रष्टाचारमुक्त धनगढी’ अभियानके रुपमे कार्यान्वयन करना, खेल, पर्यटन, धार्मिक पर्यटनके विकासके लाग योजनावद्ध विकास करना, अन्य कार्यक्रम गठबन्धनके घोषणापत्र बमोजिम करना लगायतके सहमति रहल बा ।

भट्टके समर्थन पाइलपाछे नगरप्रमुखके उम्मेदवार वड धन्यवाद व्यक्त करलैं । नगरप्रमुखके उम्मेदवार वड कलैं, ‘सत्ता गठबन्धनसंगे स्वतन्त्र उम्मेदवार समर्थन कैके थप निर्वाचनमे सहजता हुइल बा ।’

जनाअवजको टिप्पणीहरू