एक घरेम आगलागी ५ लाख ढेरके सामान जरके नष्ट

पहुरा समाचारदाता
धनगढी, २७ बैशाख । कैलालीमे एक घरेम आगलागी हुके लाखौके धनमालके जरके नष्ट हुइल बा ।

मंगरके रोज जिल्लाके घोडाघोडी नगरपालिका वडा नं ११ तिल्कहनिपुर रामप्रसाद चौधरीके घरेम अचानक विद्युत सर्ट हुके आगलागी हुइल हो । आगलागीसे घरेम सुटटी रहल दुई डाई छाई मनिषा चौधरी, नाईरा चौधरी घाहिल हुइल प्रहरी जनैले बा ।

आगलागीमे परके आगी बुटाई गैल राजकुमार चौधरी ओ सपना चौधरी घाहिल हुइल बटाइल बा । खाद्यान्न, लत्ताकपडा, विद्युतिय सामाग्री सहित, ५ विद्यार्थीके शैक्षिक प्रमाणपत्र जरके पुर्ण रुपमे नष्ट हुइल बा ।

सकारे लगभग ६ बजेर ४५ मिनेटमे हुइल आगलागी लगभग ३० मिनेटमे स्थानीयहुकनके सक्रियतामे नियन्त्रणमे आइल पहलमानपुर प्रहरी चौकीके प्रहरी सहायक हवल्दार ईन्द्र कडायत जानकारी डेलै ।