धनगढीके १० वर्षे बालकके हत्याके मुख्य अभियुक्त पक्राउ
पहुरा समाचारदाता
धनगढी, २३ असार । धनगढी उपमहानगरपालिका–१७, उत्तरखैरेनी मुक्त कमैया शिविरके निमराज चौधरीके १० वर्षीय छावा तनुज चौधरीके हत्याके मुख्य अभियुक्तहे प्रहरी पक्राउ करले बा ।
पक्राउ परुइयामे गौरीगंगा नगरपालिका–६ बैठना खगेन्द्र कना २५ वर्षीय खेमराज कठायत रहल जिल्ला प्रहरी कार्यालयके प्रवक्ता प्रहरी नायब उपरीक्षक(डीएसपी) योगेन्द्र तिमिल्सिना जानकारी डेलै । उहाँक अनुसार कठायतहे भारतओर भग्टी रहल अवस्थामे धनगढी–२ के भन्सार रोडसे पक्राउ करल हो ।
कठायतहे जिल्ला प्रहरी कार्यालयके प्रहरी नायब निरीक्षक(सई) सुशील चन्द नेतृत्वके टोलीसे पक्राउ करल प्रहरी जनैले बा । १० असारमे घरमे बेपत्ता हुइल बालक १२ असारमे हत्या करल अवस्थामे स्थानीय बालिका सामुदायिक वनभिटर मृत भेटल रहिट ।
उहाँक कानमे लगाइल सोनके मुन्द्रा नैभेटल कारण उहे लुट्न उद्देश्यसे हत्या करल प्रहरी आशंका बा । मुख्य अभियुक्त पक्राउ परसेकल ओरसे थप बाट खुल्न प्रहरी बटैले बा । घटनाके अनुुसन्धानके लाग यी आघे प्रहरी चार जनहनहे पक्राउ करल रहे । मने ओइने हाल थुुनामुुक्त हुसेकल बटै ।
