धनगढीके मतदान अधिकृत घाहिल

पहुरा समाचारदाता
धनगढी, २८ वैशाख । धनगढीके मतदान अधिकृत मोटरसाइकल दुर्घटनामे परके घाहिल हुइल बटै । धनगढी–२, वैयाबेहडीस्थित शारदा माध्यमिक विद्यालयमे रहल मतदान स्थलमे जाईबेर मतदान अधिकृत दिजराज भट्ट दुर्घटनामे परके घाहिल हुइल रहिट ।

भट्ट सवार से १ प ११६८ नम्बरके मोटरसाइकलसंग सु.प ०१.००१ च.२८८९ स्कारपियो टक्राइल जिल्ला प्रहरी कार्यालय कैलालीके प्रहरी नायब उपरीक्षक वेदप्रकाश जोशी बटैलै । उहाँक अनुसार घाहिल भट्टहे थप उपचारके लाग काठमाडौं लैगिल बा । मतदान केन्द्रमे उहाँक सट्टा नयाँ मतदान अधिकृत खटा सेकल प्रदेश निर्वाचन कार्यालयके निमित्त प्रमुख प्रेमराज भट्ट बटैलै ।