थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १३ कुँवार २६४६, बिफे ]
[ वि.सं १३ आश्विन २०७९, बिहीबार ]
[ 29 Sep 2022, Thursday ]
‘ स्थानीय तह निर्वाचन २०७९ ’

आयोगके प्रारम्भिक अनुमानः मुलुकभर ६४ प्रतिशत मतदान

पहुरा | ३० बैशाख २०७९, शुक्रबार
आयोगके प्रारम्भिक अनुमानः मुलुकभर ६४ प्रतिशत मतदान

काठमाडौं, ३० वैशाख । स्थानीय तहके निर्वाचन अन्तर्गत आज (शुकके रोज) ६४ प्रतिशत मतदान हुइल बा । प्रमुख निर्वाचन आयुक्त दिनेश थपलिया आज बिहान ७ बजेसे लेके साँझसम ६४ प्रतिशत मतदान हुइल जानकारी डेलैं । ‘अभिन देशभरके यकिन तथ्यांक आइल नैहो, मने हमार संकलन करल प्रारम्भिक तथ्यांकअनुसार ६४ प्रतिशत मतदान हुइल बा,’ उहाँ कलैं ।

उहाँक अनुसार काठमाडौंमे ५२ प्रतिशतकिल मतदान हुइल बा । ‘यी प्रारम्भिक तथ्यांक हो, यी बह्रे फेन सेकि । मने हम्रे यी तथ्यांकमे खुसी नैहुइ, यी आयोगसे अनुमान करलसे फरक तथ्य हो,’ उहाँ कलैं । आयोग यीआघे ६५ से ७० प्रतिशतसम मतदान हुइना अनुमान करले रहे ।

प्रमुख निर्वाचन आयुक्त थपलिया एक्केचो निर्वाचन होके सुरक्षा प्रबन्धमे समस्या हुइल महसुस करल बटैलैं । ओस्टेक, राजनीतिक दल ओ उम्मेदवारसे समेत असहयोग हुइल उहाँक बटैलैं ।

जनाअवजको टिप्पणीहरू