कैलालीके कौन पालिकामे कत्रा मत परल ?
पहुरा समाचारदाता
धनगढी, ३० वैशाख । कैलालीमे स्थानीय तहके निर्वाचन सौहार्दपूर्ण वातावरणमे सम्पन्न हुइल बा । आज जिल्लाके १३ ठो पालिकामे शान्तिपूर्ण वातावरणमे निर्वाचन सम्पन्न हुइल हो ।
निर्वाचनमे धनगढी उपमहानगरपालिकामे ६५ प्रतिशत मत गिरल बा । प्रमुख निर्वाचन अधिकृत ९५ हजार १५१ मतदाता रहल धनगढीमे ६५ प्रतिशत मत डरल हो ।
मतगणनाके कार्य शनिच्चरसे सुरु हुइना प्रमुख निर्वाचन अधिकृतके कार्यालय जानकारी डेले बटैं । कैलारी गाउँपालिकामा ७८.१२ प्रतिशत मत परल बा । जम्मा ३६ हजार ७३५ मतदाता रहल यी पालिकामे २८ हजार ६९७ भोट परल निर्वाचन अधिकृत कृष्णप्रसाद नेपाल जानकारी डेलैं । ओस्टेक, बर्दगोरिया गाउँपालिकामे ६७.३९ प्रतिशत मत परल बा । जम्मा मतदाता संख्या २२ हजार १८१ रहलमे १४ हजार ९४३ मत परल निर्वाचन अधिकृत बद्र्रीबहादुर पाठक जानकारी डेलैं ।
ओस्टेक, चुरे गाउँपालिकामे ६६ प्रतिशत मत परल बा । जम्मा मतदाता ११ हजार ९२३ रहलमे सात हजार ८७३ मत परल निर्वाचन अधिकृत राइभान कुञ्जेडा जानकारी डेलैं । गौरीगंगा नगरपालिकामे २६ हजार ८७६ मत परल बा । उ पालिकामे मतदाता संख्या ३९ हजार ५० रहल बा ।
लम्कीचुहा नगरपालिकामे ६५ से ७० प्रतिशत, जानकी गाउँपालिकामे ६० से ६५ प्रतिशत, जोशीपुरमे ७० से ७५ प्रतिशत मत परल सम्बन्धित पालिकाके निर्वाचन अधिकृतहुक्रे जानकारी डेले बटैं । ओस्टेक, गोदावरी नगरपालिकामे जम्मा ५५ हजार ५९२ मतदाता रहलमे करिब ३४ हजारके हाराहारीमे मत परल निर्वाचन अधिकृत राजेन्द्र्रसिंह भण्डारी जानकारी डेलैं ।
कैलालीमे १३ ठो पालिका रहल बा । औरे पालिकाके विवरण अइना बाँकी रहल निर्वाचन कार्यालाय जानकारी करैले बा ।
