कैलारीमे निरन्तर अग्रस्थानमे काँग्रेसके राजसमझ चौधरी
पहुरा समाचारदाता
धनगढी, ०२ जेठ । कैलालीके कैलारी गाउँपालिकामे नेपाली काँग्रेस निरन्तर अग्रता कायमे रख्ले बा ।
वडा नम्बर १, २ ओ ३ मे पुरे प्यानल जित हासिल करसेकल काँग्रेस वडा नम्बर ४ मे फेन अध्यक्ष, उपाध्यक्ष, वडा अध्यक्ष लगायत वडा सदस्य पदमे अग्रता कायम करल हो ।
अब्बेसम वडा नम्बर ४ के मतगणना जारी रहल बेला गाउँपालिकाके अध्यक्ष उम्मेदवार राजसमझ चौधरी ३३३१ मत प्राप्त कैके पहिल स्थानमे रहल बाटै । उहाँहे राप्रका उम्मेदवार होमबहादुर गुरुङ पच्छ्याइ रहल बाटै । अध्यक्षके उम्मेदवार गुरुङ २७९० मत लानके डुसरा स्थानमे रहल बाटै ।
उहाँहुक्रनके बीच ५४१ मत अन्तर रहल बा । गाउँपालिकाके निवर्तमान अध्यक्ष तथा नेकपा (माओवादी केन्द्र) के लाजुराम चौधरी २१९४ मत प्राप्त कैके टिसरा स्थानमे रहल बाटै ।
उपाध्यक्ष ओर काँग्रेसके भगवती चौधरी ३३५२ मत, राप्रापाके पिंगला थारु २३५९ ओ माओवादी केन्द्रके लक्ष्मी सत्गौवा थारु २३१७ मत प्राप्त करले बाटै ।
काँग्रेससे वडा नम्बर १, २ ओ ३ मे पुरै प्यानल सहित विजयी हासिल करसेकल बा । वडा नम्बर १ मे धोजहरिपाल बोहरा, २ मे विकास चौधरी ओ ३ मे सन्तराम चौधरी वडा अध्यक्षमे विजयी हुइल बाटै । वडा नम्बर ५, ६, ७, ८ ओ ९ के आभिन मतगणना बाँकी रहल बा ।
