थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १३ कुँवार २६४६, बिफे ]
[ वि.सं १३ आश्विन २०७९, बिहीबार ]
[ 29 Sep 2022, Thursday ]

भलमन्सा सन्तरामके काँधमे वडाके जिम्मेवारी

पहुरा | २ जेष्ठ २०७९, सोमबार
भलमन्सा सन्तरामके काँधमे वडाके जिम्मेवारी

पहुरा समाचारदाता
धनगढी, ०२ जेठ ।
कैलालीके भर्री गाउँक भलमन्सा सन्तराम चौधरीहे वडाके जिम्मेवारी आइल बा । कैलारी गाउँपालिका–३ के वडावासी भलमन्सा चौधरीहे वडाध्यक्षके जिम्मेवारी फेन सुम्पले बटैं ।

सशस्त्र प्रहरीके पूर्व प्रहरी नायव उपरीक्षकसमेत रहल चौधरी नेपाली काँग्रेससे वडा नम्बर ३ के अध्यक्षमे अपन प्यानलसहित विजयी हुइल बटैं । उहाँ नेकपा (माओवादी केन्द्र) के कैलाश चौधरीहे २७० मतान्तरसे पराजित कैके वडाध्यक्षमे जीत हासिल करले बटैं ।

विजयी हुइल चौधरी १ हजार १२ ओ पराजित हुइल उम्मेदवार ७४२ मत प्राप्त करले बटैं । ओस्टेक, जोशीपुर गाउँपालिका–२ के वडाध्यक्षमे जनता समाजवादी पार्टीके विष्णु चौधरी विजयी हुइल बटैं । उहाँ ६४२ मत प्राप्त करलैं ।

ओस्टेक, कैलालीके टीकापुर नगरपालिकाके वडाध्यक्षमे नागरिक उन्मुक्ति पार्टी दोसर जीत हुइल बा । उ पार्टीके लालवीर चौधरी वडा नम्बर ४ के वडाध्यक्षमे फेनसे निर्वाचित हुइल बटैं । ओस्टेक, गोदावरी नगरपालिका–१० के वडाध्यक्षमे नेपाली काँग्रेसके रवीन्द्र शाही निर्वाचित हुइल बटैं । उहाँ दोसर कार्यकालके लाग वडाध्यक्षमे निर्वाचित हुइल बटैं ।

जनाअवजको टिप्पणीहरू