डुबके बेपत्ता बालकके शव फेला

पहुरा समाचारदाता
धनगढी, १७ असार । कैलारी गाउँपालिका वडा नं. ०६ गौकन्द्री खोलामे डुबी बेपत्ता हुइल १ बालकके शव फेला परल बा । यिहे गैद असार १५ गते दुपहर १४ः४५ बजेक समयमे जिल्ला कैलाली धनगढी उप–महानगरपालिका वडा नं. १९ जे गाउँ बैठना दिपक बि.क. के छावा बर्ष ११ के निखिल बि.क. कैलारी गाउँपालिका वडा नं. ०६ अपन मामाघर गैल अवस्थामे गौकन्द्री खोलामे संघरीयनसंग पौडी खेल्न क्रममे डुबके बेपत्ता हुइल रहिट ।

स्थानीयसे जानकारी प्राप्त हुइटीक उ स्थानमे सीमा प्रहरी चौकी बहुलिया कैलालीसे प्रहरी टोली खटके खोजतलाश कार्य हुइटी रहल रहे । बेपत्ता निखिल शुकके रोज सकारे ९ बजे जिल्ला कैलाली कैलारी गाउँपालिका ०६ स्थित घटना स्थलसे ८०० मिटर दक्षिण गौकन्द्री खोलाके किनारमे फेला परल जिल्ला प्रहरी कार्यालय कैलालीके प्रवक्ता वेद प्रकाश जोशी बटैलै ।

जिल्ला प्रहरी कार्यालय कैलालीसे खटके गैल प्रहरी टोली घटनास्थल लगायतके अनुसन्धान कार्य पुरा करके निजके शवहे मोस्टमार्टमके लाग सेती प्रादेशिक अस्पताल धनगढी पठाके थप अनुसन्धान कार्य हुइटी रहल बा ।