थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १३ कुँवार २६४६, बिफे ]
[ वि.सं १३ आश्विन २०७९, बिहीबार ]
[ 29 Sep 2022, Thursday ]

खेलकुद पत्रकार मञ्च कैलालीके अध्यक्षमे पाठक

पहुरा | २८ श्रावण २०७९, शनिबार
खेलकुद पत्रकार मञ्च कैलालीके अध्यक्षमे पाठक

पहुरा समाचारखाता
धनगढी, २८ सावन ।
नेपाल खेलकुद पत्रकार मञ्च समन्वय शाखा कैलालीके अध्यक्षमे प्रदीप पाठक चयन हुइल बटै ।

मञ्चके शनिच्चर हुइल चौठा साधारण सभा तथा टिसरा अधिवेशनसे पाठक सर्वसम्मत अध्यक्षमे चयन हुइल हुइट । ओस्टेक मञ्चके प्रथम उपाध्यक्षमे शंकर बोहरा, उपाध्यक्षमे दिनेशबहादुर बिष्ट ओ गगन अयडी, महासचिवमे हरि जोशी, सचिवमे विराज रोश्यारा ओ कोषाध्यक्षमे नवराज पनेरु चयन हुइल बटै । ओस्टेक मञ्चके सदस्यमे निराजन परियार, सविता बुढा, डिल्लीराज ओझा, पाण्डव पुजारा ओ निर्मला खडायत रहल बटै ।

यी आघे खेलकुद पत्रकार मञ्चके अध्यक्ष सीताराम ओझाके अध्यक्षता ओ नेपाल पत्रकार महासंघके केन्द्रीय सदस्य भरत शाहके वडका पहुनामे उदघाटन कार्यक्रम हुइल रहे । कार्यक्रममे खेलकुद पत्रकार मञ्चके महासचिव प्रज्वल ओली ओ पत्रकार महासंघ कैलालीके अध्यक्ष हिमालय जोशी शुभकामना मन्तव्य व्यक्त करलै ।

बन्दसत्रममे मञ्चके महासचिव प्रदीप पाठक सांगठनिक ओ कोषाध्यक्ष हरि जोशी २३ लाख १ हजार ५७० आयव्ययसहितके आर्थिक प्रतिवेदन पेश करले रहिट । मञ्चके समन्वय शाखा कैलालीसे बर्सेनि स्पोर्टस अवार्ड कार्यक्रमके आयोजना करटी आइल बा ।

जनाअवजको टिप्पणीहरू