थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १३ कुँवार २६४६, बिफे ]
[ वि.सं १३ आश्विन २०७९, बिहीबार ]
[ 29 Sep 2022, Thursday ]

गोदावरीमे ५ तारे होटलके शिलान्यास

पहुरा | २८ श्रावण २०७९, शनिबार
गोदावरीमे ५ तारे होटलके शिलान्यास

पहुरा समाचारदाता
अत्तरिया, २८ सावन ।
कैलालीको गोदावरी नगरपालिकामे ५ तारे होटल खोल्न घोषणा करल बा ।

नगरपालिकाके वडा नम्बर ७ हरैयामे आईडिया होटल एण्ड क्यासिनो खोल्न घोषणा करल हो । उ होटलके शनिबार एक कार्यक्रमके बिच प्रतिनिधि सभा सांसद एवम् नेपाली कांगेसके नेता शशांक कोइराला शिलान्यास करले बटै । होटलके शिलान्यास करटी कोइराला होटल व्यवसायसे सदभावके भावना जागृत कैना बटैलै । उहाँ होटल व्यवसायसे यी क्षेत्रके आर्थिक विकासमे मद्दत कैना बटैलै ।

‘होटल कहल एक ठो यैसिन व्यवसाय हो । जे सदभावके भावना जागृत कराइठ । होटलमे देश बाहेरसे आइल मनैनहेफे सदभाव सत्कार सम्मानके साथ बैठाई सेक्लेसे भर ओइने बार बार यहाँ अइना करठै’ उहाँ कहलै ‘यहाँ क्यासिनो स्थापना करे सेक्लेसे भर उ फे यी क्षेत्रके आर्थिक वृद्धि कैना मद्दत करी ।’

उहाँ होटलसे हुइल आम्दानी सामाजिक क्षेत्रमेफे लगैना आग्रह करलै । उहाँ कहलै ‘होटलके मालिक अपन आम्दानीके कुछ मात्रामे सामाजिक काममे लगाई परठ ।’

आइडिया नेपालके अध्यक्ष गोकर्ण श्रेष्ठ होटलमे १५० गेष्ट रुम रहन बटैलै । उहाँ होटलमे २ हजार जाने अटैना सेमिनार हल, १ हजार ५ सय जाने संगे खेले सेक्ना क्यासिनो लगायतका सेवा संचालन हुइना बटैलै ।

आइडिया ग्रुपके नाममे २३ विगा उ क्षेत्र जग्गा रहल ओ जौन मन्से २ विगा जग्गामे होटल ओ और क्षेत्रमे आइडिया सिटी निर्माण कैना बटाइल बा । जेम्ने अपारमेन्ट निर्माण कैना बटैलै ।

आइडिया नेपालके अध्यक्ष श्रेष्ठ होटल क्यासिनोसे सयौ मनैनहे रोजगारी डेना बटैलै । उहाँ होटल संचालनके लाग २ अर्व लगानी लग्ना अनुमान करल बटैलै । होटल १५ तलाके रहना जनाइल बा ।

जनाअवजको टिप्पणीहरू