नागरिक उन्मुक्तीसे कार्यकर्ता प्रशिक्षण पार्टी प्रवेश कार्यक्रम

पहुरा समाचारदाता
पहलमानपुर, २९ सावन । नागरिक उन्मुक्तीसे अँटवारके रोज पहलमानपुरके सिसैयामे कार्यकर्ता प्रशिक्षण पार्टी प्रवेश कार्यक्रम करले बा ।

घोडाघोडी नगर उन्मुक्ती पार्टी नगर कमितिके आयोजनामे हुइल कार्यक्रम नगर समिति संयोजक प्रेम बहादुर चौधरीके अध्यक्षता तथा पार्टीके केन्द्रीय अध्यक्ष रन्जिता श्रेष्ठ चौधरीके वडका पहुनामे हुइल रहे ।

कार्यक्रममे केन्द्रीय सदस्य तथा पार्टी प्रवक्ता दामेदर पण्डित, केन्द्रीय सदस्य गंगाराम चौधरी, केन्द्रीय सदस्य भीमसेन चौधरी, केन्द्रीय सदस्य सन्तोष कठरिया, केन्द्रीय सदस्य ललित ताम्राकार लगायतसे मन्तव्य व्यक्त करले रहिट ।

कार्यक्रममे टमान पार्टी छोरके नागरिक उन्मुक्ती पार्टीमे २१७ जाने प्रवेश करले बटै । संचालन कैलारी गाउँपालिका नागरिक उन्मुक्ती पार्टीके सचिव मनोज करले रहिट ।