भदौ ७ गते ढकियाखबर डटकम ‘लन्च’ हुइटी

पहुरा समाचारदाता
धनगढी, १ भदौ । चली गोचाली मिडिया प्रालिके प्रस्तुति ढकिया खबर डटकम भदौ ७ गते ‘लन्च’ हुइना हुइल बा ।

चली गोचाली मिडिया प्रालिका अध्यक्ष दिलबहादुर चौधरीके अनुसार थरुहट थारुवान आन्दोलनके क्रममे २०७२ भदौ ७ गते हुइल ऐतिहासिक टीकापुर आन्दोलनके सम्झनामे उक्त दिन ढकियाखबर डटकम ‘लन्च’ करे लागल हो ।

ढकिया खबर डटकम समाचारमूलकसे फेन विचारमूलक डिजिटल पत्रिका रहना प्रवन्ध निर्देशक भूमिका थारूके कहाइ बा । ओहकान अनुसार अनलाइनमे लेखरचना, विचार, समाचार dhakiyakhabar@gmail.com इमेल मार्फत पठाइ सेकजैना बा ।