गोदावरीमे थारु सांस्कृतिक कार्यक्रम हुइना
पहुरा समाचारदाता
धनगढी, १३ कुँवार । कैलालीके गोदावरीमे डशैं तथा तथा डेवारीके अवसरमे शुभकामना आदान प्रदान तथा सांस्कृतिक कार्यक्रम २०७९ हुइना हुइल बा ।
‘थारु भाषा, कला, प्रथा संस्कृति हमार पहिचान, संरक्षण, सम्बद्र्धन कर्ना हमार साझा अभियान’ मूल नारा सहित गोदावरी नगरपालिका वडा नम्बर १ बिजौराके भागेश्वर निमाविके प्रांगगनमे इहे कुँवार १५ गते शनिच्चरके दिन कार्यक्रम हुइना हुइल हो ।
कार्यक्रम गोदावरी नगरस्तरीय बरघर भलमन्सा समिति ओ थारु कल्याणकारिणी सभा गोदावरी नगर समिति कैलालीके संयुक्त आयोजनामे हुइना जनाइल बा ।
कार्यक्रममे राष्ट्रिय कलाकार सहित सोनु कुश्मी, रमेश मिसनके बेजोड प्रस्तुती रहना जनाइल बा । साथे थारु खानपान, थारु सांस्कृतिक झाँकी, सखिया नाच, राना होरी नाच लगायतके प्रस्तुती रहना गोदावरी नगरस्तरीय बरघर भलमन्साके संयोजक जगतराम चौधरी जानकारी डेलै ।
