थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २२ अगहन २६४६, बिफे ]
[ वि.सं २२ मंसिर २०७९, बिहीबार ]
[ 08 Dec 2022, Thursday ]

मतदानके दिन कैलालीमे सवारी साधन बन्द हुइना

पहुरा | २ मंसिर २०७९, शुक्रबार
मतदानके दिन कैलालीमे सवारी साधन बन्द हुइना

पहुरा समाचारदाता
धनगढी, २ अगहन ।
कैलालीमे चुनावके दिन सार्वजनिक सवारी साधन सञ्चालन नैकरे पैना हुइल बा ।

अगहन ४ गते अँट्वारके प्रतिनिधि ओ प्रदेश सभा निर्वाचनके दिन सार्वजनिक सवारी साधन सञ्चालन करे नैपैना जिल्ला प्रशासन कार्यालय कैलाली जनैले बा । प्रशासनके अनुसार अँट्वार सकारे ४ बजेसे साँझ ७ बजेसम अत्यावश्यक सेवा ओ अनुमति प्राप्त सवारी साधन बाहेक आन्तरिक रुपमे सक्कु मेरके सवारी आवागमनमे रोक लगाइल बा ।

मतदानके दिन एम्बुलेन्स, शववाहन, दमकल, फलफूल तथा विद्युत सेवाके लाग प्रयोग हुइना सवारी साधन,फोहोर मैला ओसारपोसार कैना सवारी साधन, आकस्मिक बिरामी बोकल गाडी बाँहेक औरे गाडी सञ्चालन करे नैपैना जिल्ला प्रशासन कार्यालय कैलालीके सूचना अधिकारी शिवराज जोशी जानकारी डेलै ।

जनाअवजको टिप्पणीहरू