कैलाली–३ मे नागरिक उन्मुक्ति पार्टीसे क्लिन स्वीप
पहुरा समाचारदाता
धनगढी, ७ अगहन । कैलालीके क्षेत्र नं. ३ मे नागरिक उन्मुक्ति पार्टीसे प्रतिनिधि ओ प्रदेश सभा सदस्यमे क्लिन स्वीप करले बा । उ पार्टीसे प्रदेश सभा सदस्यके लाग (क) मे घनश्याम चौधरी ओ (ख) मे खुशीराम डंगौरा थारु विजयी हुइल बटै । उ क्षेत्रमे प्रतिनिधि सभा सदस्यमे गंगाराम चौधरी काल्हे निर्वाचित हुइल रहिट ।
प्रदेश (क) मे चौधरीसे गठबन्धन उम्मेदवार नेपाली कांग्रेसके खेमराज डंगौराहे पराजित करल हुइट । विजयी हुइल चौधरी १३ हजार ९२३ मत प्राप्त करलै । उहाँक निकटतम् प्रतिद्वन्द्वी गठबन्धनके डंगौरा ११ हजार ५७२ मत प्राप्त करले बटै । चौधरी दुई हजार ३५१ मतान्तरसे विजयी हुइल बटै ।
(ख) मे विजयी हुइल थारु सात हजार ५३९ मत प्राप्त करले बटै । उहाँक निकटतम् प्रतिद्वन्द्वी गठबन्धनके साझा उम्मेदवार नेकपा (एकीकृत समाजवादी) के अम्मरबहादुर साउँद छ हजार ६१९ मत प्राप्त करलै । ९२० मतान्तरसे थारु विजयी हुइल बटै ।
