डडेल्धुरासे शेरबहादुर देउवा सातौंचो निर्वाचित
पहुरा समाचारदाता
डडेल्धुरा, ७ अगहन । एकठो किल निर्वाचन क्षेत्र रहल डडेल्धुरामे नेपाली कांग्रेसके सभापति एवं प्रधानमन्त्री शेरबहादुर देउवा निर्वाचित हुइल बाटै ।
बुधके सकारे प्राप्त मत गणनाअनुसार प्रधानमन्त्री देउवा भारी मतान्तरके साथ विजयी हुइल हुइट । प्रधानमन्त्री देउवा २५ हजार ५३४ मत प्राप्त कैटी विजयी बनल हुइट । ओहकान निकटतम् प्रतिद्वन्द्वी स्वतन्त्र उम्मेदवार सागर ढकाल १३ हजार ४२ मत प्राप्त कैटी डुसरा स्थानमे रहल बाटै ।
देउवा ओ ढकालबीचके मतान्तर १२ हजार ४९२ रहल बा । नेपाली कांग्रेस बीपीके उम्मेदवार कर्णबहादुर मल्ल ७ हजार ५३५ मत लन्ले बाटै । देउवा डडेल्धुरासे २०४८ सालसे लगातार निर्वाचन जिट्टी आइल बाटै ।
प्रधानमन्त्री देउवा हालसम डडेल्धुरासे सातौं पटक २०४८, २०५१, २०५६, २०६४, २०७०, २०७४ ओ २०७९ मे निर्वाचन जिटल हुइट । देउवा छैटौं पटक प्रधानमन्त्री बन्ना तयारीमे बाटै । मने, ओहकान लाग नेपाली कांग्रेसके महामन्त्री गगनकुमार थापा चुनौती डेले बाटै ।
