थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २२ अगहन २६४६, बिफे ]
[ वि.सं २२ मंसिर २०७९, बिहीबार ]
[ 08 Dec 2022, Thursday ]

६ महिनाभिट्रे प्रदेश राजधानीके निर्माण कार्य सुरु हुइः बलायर

पहुरा | ८ मंसिर २०७९, बिहीबार
६ महिनाभिट्रे प्रदेश राजधानीके निर्माण कार्य सुरु हुइः बलायर

पहुरा समाचारदाता
अत्तरिया, ८ अगहन ।
कैलाली क्षेत्र नम्बर ४ मे बाम लोकतान्त्रिक गठबन्धनसे बिजयी हुइल बिरबहादुर बलायर ६ महिनाभिट्रे सुदूरपश्चिम प्रदेशके राजधानीके निर्माण कार्य सुरु हुइना बटैले बाटै ।

नेपाली काँग्रेस सुदूरपश्चिम सभापति समेत रहल बलायर बिजयी हुइल पश्चात सञ्चारकर्मीनसे बात बट्वाइटी ६ महिनाभिट्रे राजधानी निर्माणके कार्य सुरु हुइना दाबी करल हुइट ।

‘यहाँके जनताके समस्या समाधानके लाग मोर जोड रहना बा’, बलायर कहलै “विशेष कैके प्रदेशके राजधानी ओ गेटा मेडिकल कलेजके बिषयमे मै गम्भिर बाटुँ, राजधानी ६ महिनाभिट्रे निर्माण शुरु हुइ ओ गेटा मेडिकल कलेज फेन हाली नै सञ्चालन आइ, ओकर लाग मै प्रयत्न करम ।”

बलायर काम नैलग्ना मन्त्रालय फेन नै खैना बटैले बाटै । बिना कामके मन्त्रालय मै नैखैबु, उहाँ कहलै “यहाँके नागरिकके जिवनस्तर परिवर्तन करे सेक्ना ओ यहाँके विकास करे सेक्ना खालके मन्त्रालयके जिम्मेवारी लेबु, पार्टीसे उ जिम्मेवारी महिनहे डेना विश्वास रहल बा ।”

कैलाली–४ से बलायर सहित गठबन्धनके सक्कु उम्मेदवार विजयी हुइल बाटै । यहाँसे प्रतिनिधि सभामे काँग्रेस उम्मेदवार वीर बहादुर बलायर, प्रदेश (१)मे समाजवादीके दीर्घ बहादुर सोडारी, प्रदेश (२) मे काँग्रेसके प्रकाश बहादुर बम विजयी हुइल हुइट ।

जनाअवजको टिप्पणीहरू