थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २३ अगहन २६४६, शुक्कर ]
[ वि.सं २३ मंसिर २०७९, शुक्रबार ]
[ 09 Dec 2022, Friday ]

३० हजार ढिउर मत लानके रञ्जिता श्रेष्ठ विजयी

पहुरा | ८ मंसिर २०७९, बिहीबार
३० हजार ढिउर मत लानके रञ्जिता श्रेष्ठ विजयी

पहुरा समाचारता
धनगढी, ८ मंसिर ।
कैलाली निर्वाचन क्षेत्र नम्बर–१ से नागरिक उन्मुक्ति पार्टीके अध्यक्ष रञ्जिता श्रेष्ठ निर्वाचित हुइल बाटी ।

कांग्रेसके उम्मेदवार रामजनम चौधरीहे १२ हजार ३२३ मतान्तरसे हरैटी श्रेष्ठ निर्वाचित हुइल हुइटी । श्रेष्ठसे ३० हजार ४०४ मत पाइबर राम जनम १८ हजार ८ मत किल पैलै । ओस्टके नेकपा एमालेके उम्मेदवार तपेन्द्र रावल ५ हजार ९१० मत पैले बाटै ।

२०७२ सालमे टीकापुर घटनामे जेल जीवन बिटैटी रहल रेशम चौधरी भूमिगत अवस्थामे ३४ हजार ढिउर मतसे इ क्षेत्रसे जिटल रहिट । कारागारमे रहल बेला चौधरी गैल बरसके पुस महिनामे आपन गोसिनीया श्रेष्ठके अध्यक्षतामे पार्टी खोलल रहिट ।

३० बैशाखमे हुइल स्थानीय तहके निर्वाचनमे फेन चौधरीके पार्टी क्षेत्र नम्बर १ मे पर्र्ना टीकापुर नगरपालिका, भजनी नगरपालिका, जानकी गाउँपालिका ओ जोशीपुर गाउँपालिकामे जिटल रहे ।

कैलाली प्रदेशसभा (क) मे उन्मुक्ति पार्टीके कैलाश चौधरी ओ प्रदेशसभा (ख) मे लक्ष्मणकिशोर चौधरी निर्वाचित हुइल बाटै ।

प्रदेशसभा (१) मे १५ हजार १०१ मतसहित कैलाश चौधरी निर्वाचित हुइल बाटै । ओहकान प्रतिस्पर्धी माओवादी केन्द्रके दीर्घराज विनाडी १० हजार ३७७ मत पाइल रहिट ।

ओस्टके प्रदेशसभा (२) मे ११ हजार ३१७ मत प्राप्त कैटी नागरिक उन्मुक्ति पार्टीके लक्ष्मणकिशोर चौधरी निर्वाचित हुइल बाटै ।

ओहकान प्रतिस्पर्धी नेपाली कांग्रेसके डा.रणबहादुर रावल ८ हजार ५३ मत पैलै कलेसे नेकपा एमालेके द्धारिका न्यौपाने ५ हजार ३२० मत किल पाइल रहिट ।

जनाअवजको टिप्पणीहरू