१२ प्रतिकुल नमूना उप्पर मुद्दा
पहुरा समाचारदाता
धनगढी, ११ अगहन । कैलाली, कञ्चनपुरके १२ ठो प्रतिकूल नमूना उप्पर मुद्दा परल बा ।
खाद्य प्रविधि तथा गुण नियन्त्रण कार्यालयसे जिल्ला प्रशासन कार्यालय कैलाली ओ कञ्चनपुरमे प्रतिकूल नमूना उप्पर मुद्दा करल हो । जेम्ने कैलालीके तीन ठो उद्योग ओ कञ्चनपुरके नौ उद्योग रहल बा ।
कैलालीके संगम वाटर संगम वाटर इन्डस्ट्रिज, गोदावरी–२ से २०७७÷कार्तिक २३ गते प्रशोधित पिउने पानी संकलन करके ओकर जाँच करेबेर दुषित भेटलपाछे यिहे बरसके गैल भदौ ८ जिल्ला अदालत कैलालीमे मुद्दा दायर हुइल खाद्य प्रविधि तथा गुण नियन्त्रण कार्यालय धनगढीके वरिष्ठ खाद्य अनुसन्धान अधिकृत नवराज दहाल बटैलै ।
ह्याप्पी होम बेकरी, धनगढी–२ से २०७८ अगहन ७ गते पफ संकलन करके जाँच करेबेर लेबल नइरहल पाइलपाछे गैल भदौ २१ गते जिल्ला प्रशासन कार्यालय कैलालीमे मुद्दा दर्ता हुइल बा ।
२०७८ अगहन ८ गते धनगढी फुड प्रोडक्ट्स, धनगढी–६ से न्युट्रेला संकलन करके जाँच करेबेर लेबल नइरहल पाइलपाछे गैल भदौ २१ गते जिल्ला प्रशासन कार्यालय कैलालीमे मुद्दा दायर हुइल वरिष्ठ खाद्य अनुसन्धान अधिकृत दाहाल बटैलै ।
ओस्टेक करके कञ्चनपुर जिल्लाके खप्तड पापड उद्योग कृष्णपुर–४ से २०७८ अगहन ३ गते ढुङग्रो पापड संकलन करके जाँच करेबेर लेबल नइरहल पाइलपाछे २०७९ भदौ २२ गते जिल्ला प्रशासन कार्यालय कञ्चनपुरमे मुद्दा परल बा ।
विराट चाउमिन उद्योग, पुनर्वास–३, कंचनपुरसे २०७८ माघ १२ गते चाउमिन सकलन करके जाँच करेबेर लेबल नइरहल पाइलपाछे २०७९ भदौ २२ गते जिल्ला प्रशासन कार्यालय कञ्चनपुरमे मुद्दा दायर हुइल खाद्य प्रविधि तथा गुण नियन्त्रण कार्यालय जनैले बा ।
विराट सस उद्योग, पुनर्वास–३, कंचनपुरसे २०७८ माघ १२ गते टोमेटो सस संकलन करके जाँच करेबेर लेबल नइरहल पाइलपाछे २०७९ भदौ २२ गते जिल्ला प्रशासन कार्यालय कञ्चनपुरमे मुद्दा परल बा । खाद्य प्रविधि तथा गुण नियन्त्रण कार्यालयसे विराट सस उद्योग, पुनर्बास–३, कंचनपुरमे २०७८ माघ १२ गते भिनेगरके नमूना संकलन करके जाँच करेबेर लेबल बिहिन पाइलपाछे २०७९ भदौ २२, जिल्ला प्रशासन कार्यालय कञ्चनपुरमे मुद्दा दायर करल ।
विराट सस उद्योग, पुनर्वास–३, कंचनपुरसे २०७८ माघ १२ गते ग्रीन चिल्ली सस ओ क्यरमेल कलरके नमूना संकलन करके परिक्षण करेबेर दुनु नमूनाके लेबल विहिन पाइलपाछे जिल्ला प्रशासन कार्यालय कञ्चनपुरमे मुद्दा दायर हुइल बा ।
बिबि मार्ट प्रालि, महेन्द्रनगरसे २०७८ अगहन १५ गते सौफ ओ चना दालके नमूना संकलन करके परिक्षण करेबेर दुनु नमूनाके लेबल विहिन पाईबेर २०७९ कुवाँर ९ गते जिल्ला प्रशासन कार्यालय कञ्चनपुरमे मुद्दा दायर हुइल खाद्य प्रविधि तथा गुण नियन्त्रण कार्यालय जनैले बा ।
केदार चाउमिन उद्योग, भीमदत्त न पा, कञ्चनपुरसे २०७८ अगहन १५ गते चाउमिनके नमूना संकलन करके परिक्षण करेबेर लेबल विहिन पाईबेर जिल्ला प्रशासन कार्यालय कञ्चनपुरमे २०७९ कुवाँर ९ गते मुद्दा दायर हुइल खाद्य प्रविधि तथा गुण नियन्त्रण कार्यालय कैलालीके खाद्य अनुसन्धान अधिकृत तथा सूचना अधिकारी हरिसिंह बोहरा बटैलै ।
ओस्टेक करके खाद्य प्रविधि तथा गुण नियन्त्रण डिभिजन कार्यालय डोटीसे विगत आर्थिक बर्षसे लगत सरके आइल जम्मा ५ ठो प्रतिकुल खाद्य पदार्थ उप्पर सम्बन्धित उद्योगी व्यवसायीसंग बयान लेना ओ सरकारी वकिलसे राय निकास लेना लगायतके कार्य आघे बह्रटी रहल सूचना अधिकारी बोहरा बटैलै । खाद्य प्रविधि तथा गुण नियन्त्रण डिभिजन कार्यालय बैतडीसेफे ३ ठो मुद्दा उप्परके आवश्यक अनुसन्धान प्रक्रिया आघे बह्रटी रहल उहाँ जनैलै ।
खाद्य प्रविधि तथा गुण नियन्त्रण कार्यालयसे सुदूरपश्चिम प्रदेशके ९ जिल्लासे पहिल त्रैमासिक अवधिमे ५ सय ८९ ठो नमूना विश्लेषण करले बा । पहिल त्रैमासिक अवधिमे यी कार्यालयसे १० ठो नमूना ओ ३ ठो डिभिजन कार्यालय (डडेल्धुरा २२, डोटी ११ ओ बैतडी २६) ठो करके जम्मा ६९ ठो नमूना संकलन करके कार्वाही प्रक्रिया आघे बह्राइल सूचना अधिकारी जनैलै ।
मुद्दा परल प्रतिकुल नमूना मन्से दुषित ओ न्यूनस्तर खाद्य बस्तु रहलेसे ओकर जरिवाना पाँच बरस कैद वा ५० हजार जरिवाना या दुनु सजय हुइना ऐनमे व्यवस्था रहल खाद्य प्रविधि तथा गुण नियन्त्रण कार्यालय कैलालीके खाद्य अनुसन्धान अधिकृत तथा सूचना अधिकारी हरिसिंह बोहरा बटैलै । एक बरससम कैद हुइना सजयमे अवस्थामे उ मुद्द अदालतमे जैना उहाँ बटैलै । ऐन उलंघन करुइया जस्टे लेबल विहिन, अनुज्ञपत्र नइलेहुइयाहे १० हजार जरिवाना हुइना उ मुद्दा जिल्ला प्रशासनमे जैना सूचना अधिकारी बोहरा बटैलै ।
