थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २४ माघ २६४६, मंगर ]
[ वि.सं २४ माघ २०७९, मंगलवार ]
[ 07 Feb 2023, Tuesday ]

एसओएस बालग्रामके सामाजिक परिक्षण कार्यक्रम सम्पन्न

पहुरा | ९ पुष २०७९, शनिबार
एसओएस बालग्रामके सामाजिक परिक्षण कार्यक्रम सम्पन्न

पहुरा समाचारदाता
धनगढी, ९ पुस ।
एसओएस बालग्राम धनगढीके सामाजिक परिक्षण कार्यक्रम शनिच्चरके सम्पन्न हुइल बा ।

धनगढीके गेटा स्थित एसओस बालग्राममे आयोजित सामाजिक परिक्षण कार्यक्रममे बोल्टी बर्का पहुना सुदूर पश्चिम प्रदेश सरकारके सामाजिक विकास मन्त्रालयके सचिव दीपक लामिछाने असहाय तथा विपन्न परिवारके बालबालिकाहे शिक्षा, दिक्षा ओ आश्रय डेके एसओएस राज्यहे ढेर गुण लगाइल बटैलै ।

एसओएस अभिभावक गुमाइल तथा आर्थिक अवस्था कमजोर रहल कारण पह्रनासे बञ्चित बालबालिकाहे शिक्षा, दिक्षा ओ आश्रय डेके राज्यसे करे पर्र्ना कार्य करल कहटी प्रशंसा करल रहिट ।

उहाँ प्रदेश सरकारसे असहाय तथा अपांगता रहल बालबालिकाके लाग निःशुल्क शिक्षाके व्यवस्था कैना आवासीय विद्यालय खोल्न बजेट बिनियोजन करल जानकारी डेलै ।

खास पहुना धनगढी उपमहानगरपालिकाके युवा तथा खेलकुद शाखाके प्रमुख नरेन्द्र बहादुर खाती एसओएसले अनाथ, असहाय तथा आर्थिक अवस्था कमजोर रहल बालबालिकाहे शिक्षा ओ अवसर सहित समाजमे सम्मानजनक पुनस्र्थापनाके लाग खेलल् भूमिका सह्रानीय रहल बटाइल रहिट ।

उहाँ धनगढी उपमहानगरपालिकासे एसओएस बालग्रामसंग आवश्यक सहकार्य ओ सहयोग कैना प्रतिबद्धता फेन व्यक्त करल रहिट ।

कार्यक्रममे कैलाली बाल संगठनके अध्यक्ष चुडामणी भट्ट राज्यसे करे पर्ना दायित्व एसओएस बालग्राम करल बटैलै । युएनडीपी धनगढीके प्रमुख बैजयन्ती गिरी सिंह एसओएस बालग्रामसे अभिभावक गुमाइल तथा आर्थिक अवस्था कमजोर रहल कारण पह्रनासे बञ्चित बालबालिकाहे गुणस्तरीय शिक्षा ओ अवसर प्रदान कैटी आइलमे प्रशंसा करल रही ।

उहाँ अपने फेन ओइसीन बालबालिकाहुक्रनके शिक्षाके लाग सहयोग कैना ईच्छुक रहल ओरसे सहयोग कैना बिधि ओ प्रकृयाके बारेम जानकारी डेना एसओएस बालग्रामहे आग्रह करल रही ।

कार्यक्रममे एक्सिस विद्याश्रमके प्राचार्य अनिता पन्त लगायतके वक्ताहुक्रे एसओएस बालग्रामसे अभिभावक गुमाइल तथा आर्थिक अवस्था कमजोर रहल कारण पह्रनासे बञ्चित बालबालिकाहे गुणस्तरीय शिक्षा ओ अवसर प्रदान करलमे प्रशंसा करल रही ।

कार्यक्रममे धनगढी उपमहानगरपालिकाके अधिकृत लेखनाथ ओझा एसओएस बालग्राम आर्थिक अवस्था, एसओएस बालग्रामसे प्रदान कैटी आइल सेवासुविधा ओ बालग्रामके समग्र अवस्था प्रस्तुत करल रहिट ।

एसओएस बालग्राम धनगढीसे परिवारमे आधारित हेरचाह अन्तर्गत १०९ जाने, समुदायमे आधारित परिवार सवलीकरण कार्यक्रम मार्फत १०३ जाने ओ आफन्तसे हेरचाह कार्यक्रम अन्तर्गत ४५ सहित कुल १४८ बालबालिका ओ युवाग्राम मार्फत ३८ जाने युवायुवतीहे सेवा प्रदान कैटी आइल जनाइल बा ।

एसओएस बालग्राम धनगढीके निमित्त निर्देशक रमेश कुमार भण्डारीके अध्यक्षतामे हुइल रहे ।

एसओएस बालग्राम धनगढीसे २०२१ मे सञ्चालन करल गतिबिधिके बारेम सरोकारवालाहे जानकारी डेना उद्देश्यसे सामाजिक परिक्षण कार्यक्रम आयोजना करल रहे ।

डाइबाबा गुमाइल ओ कमजोर आर्थिक अवस्थाके कारण जीवनके आधारभूत आवश्यकतास बञ्चित बालबालबालिकाके शिक्षा, दिक्षा ओ उहाँहुक्रनके सम्मानजनक पुनस्र्थापनाके लाग विगत ४९ बरससे कार्यरत एसओएसके १० औं शाखा धनगढीके गेटामे सञ्चालन रहल बा ।

जनाअवजको टिप्पणीहरू