स्थानीय परियोजना सल्लाहकार समिति गठन
पहुरा समाचारदाता
हसुलिया, १२ पुस । कैलालीके कैलारी गाउँपालिकामे ‘सामाजिक सदभावका लागि नागरिक सहभागिता’ कार्यक्रम अन्र्तगत स्थानीय परियोजना सल्लाहकार समिति गठन हुइल बा ।
मानव अधिकार लागि महिला एकल महिला समुह सुदूरपश्चिम प्रदेश तथा कुर्वे विस्ट्रो के संयुक्त साझेदारीमे कैलारी गाउँपालिकामे सन २०२२ से २०२४ सम संचालित ‘सामाजिक सदभावका लागि नागरिक सहभागिता’ कार्यक्रम अन्र्तगत स्थानीय परियोजना सल्लाहकार समिति गठन कैगिल हो ।
उ समितिके संयोजकमे गाउँपालिका अध्यक्ष राजसमझ चौधरी रहल बटै । ओस्टेक समितिके सदस्यमे गाउँपालिका उपाध्यक्ष भगवतीकुमारी चौधरी, वडा नम्बर १ से नौ समके वडा अध्यक्ष धोजहरिपाल बोहरा, विकास चौधरी, सन्तराम चौधरी, ठागुराम चौधरी, विष्णुप्रसाद चौधरी, प्रेमबहादुर चौधरी, दिपेन्द्रबहादुर बम, तारामल कठरिया, खेमराज चौधरी, प्रमुख प्रशासकीय अधिकृत विरबहादुर ऐर, महिला तथा बालबालिका शाखाके प्रमुख बालकुमारी चौधरी, सामाजिक विकास अधिकृत यगम कलेल, डब्लु एचआरके प्रतिनिधिलगायत रहल बटै ।
समितिसे मानव अधिकार लागि महिला एकल महिला सुदूरपश्चिम प्रदेश तथा कुर्वे विस्ट्रो के संयुक्त साझेदारीमे कैलारी गाउँपालिकामे ‘सामाजिक सदभावका लागि नागरिक सहभागिता’ परियोजनासे संचालन करल गतिविधिके अनुगमन, सल्लाह डेना काम कैना उ परियोजनाके अधिकृत वेद अवस्थी बटैली ।
सोम्मारके रोज हसुलियामे कैलारी गाउँपालिकाके अध्यक्ष राजसमझ चौधरीके अध्यक्षतामे हुइल एक कार्यक्रममे उ समिति गठन हुइल रहे ।
मानव अधिकार लागि महिला एकल महिला समुह वि.स २०५२ सालमे स्थापित हुके एकल महिलाके हक अधिकार तथा सशक्तीकरणके लाग वकालत कैना गैर सरकारी सामाजिक संस्था हो । यी संस्था स्थापना कालसे एकल महिलाहुकनके सवालहे स्थानीयस्तरसे क्षेत्रीय, राष्ट्रिय तथा अन्तर्राष्ट्रिय स्तरसम वकालत तथा पैरवी करटी आइल मानव अधिकार लागि महिला एकल महिला समुहके जिल्ला अध्यक्ष भगवती हमाल बटैली ।
