लगानी सम्मेलनहे सफल बनैना मुख्यमन्त्री शाहसे आग्रह
पहुरा समाचारदाता
धनगढी, १५ अगहन । सुदूरपश्चिम प्रदेश सरकारके माननीय मुख्यमन्त्री कमलबहादुर शाह अइना फागुन फागुन २३ व २४ गते हुइना सुदूरपश्चिम प्रदेश लगानी सम्मेलनहे सफल बनैना आग्रह करले बटै ।
शुकके रोज कैलालीके चुरे गाउँपालिकामे हुइल जिल्ला समवन्य समिति कैलालीके ८औ जिल्ला सभाके उदघाटन करटी उहाँ सम्मेलनहे सफल पर्ना सक्कु स्थानीय तहसे आग्रह करल रहिट ।
जिल्ला सभा कार्यक्रमके प्रमुख अतिथिके आसनसे बोल्टी मुख्यमन्त्री शाह जिल्ला समन्वय समितिसे स्थानीय सरकार ओ प्रदेश सरकारके बिचमे पुलके काम करल ओरसे विकास निर्माणसे दुई तहके सरकार बिच समन्वयमे मजा भुमिका निर्वाह करल बटैलै । सुदुरपश्चिम सरकार प्रदेशके समग्र विकासके लाग २०८० फागुन २३ ओ २४ गते लगानी सम्मेलन आयोजना कैना निर्णय कैके आघे बह्रटी रहल जानकारीफे उहाँ करैलै ।
कैलाली जिल्लाके प्रकृतिके रुपसे सुन्दर रहल विशेष कैके पहाडके रानी कैके चिन्हा कैलालीके चुरे क्षेत्रहनहे कृषि, पर्यटनसंग जोरक लाग चुरे सडक मार्ग निर्माणमे अपन पहल कदमी करटी रहल उहाँ बटैलै । कैलाली जिल्ला समवन्य समितिसे आयोजना करल जिल्ला सभामे कैलाली जिल्लाके स्थानीय तह नगरपालिका ओ गाउँपालिकाके प्रमुख उपप्रमुखहुकनके उपस्थिति रहे ।
