चैतन्य पतञ्जली दुसरा वर्षमे प्रवेश
पहुरा समाचारदाता
धनगढी, १५ चैत । चैतन्य पतञ्जली योग केन्द्र शिवनगर धनगढीके पहिल वार्षिक उत्सव सम्पन्न हुइल बा ।
चैतन्य पाठशालाभिटर नियमित रूपसे योग अभ्यास सञ्चालन गैल बरससे हुइटी आइल ओ समुदाय, अभिभावककेक लाग आरोग्य जीवनयापन कैना योगाभ्यास अत्यन्त महत्वपूर्ण भुमिका निर्वाह चैतन्य पाठशालाके प्रधानाध्यापक कटकवहादुर सिंह बटैलै ।
ऋषि मुनिसे हजारौं वर्षके साधनासे स्थापित करल जीवनशैली ओ जीवन, जगतके रहस्यसंग जोरल मानवीय चेतनाके उच्चतम स्तर योग रहल ओरसे योग आजके समयमे अतिआवश्यक रहल उहाँ बटैलै ।
धनगढीमे चैतन्य पाठशाला एक ठो नियमित योग केन्द्र सञ्चालन करटी रहल विद्यालय यिहीहे नगरभिटर उत्कृष्ठ व्यवस्थापन करटी समुदायहे जोरटी लैजैना उहाँ बटैलै ।
चैतन्य पतञ्जली योग केन्द्रके ा प्रभारी गोरखवहादुर खाती दिपप्रज्वन करके उदघाटन करटी एकवर्ष पूरा करके दुसरा वर्षमे प्रवेश करलमे सक्कु योगसधक योगीहुकनहे शुभकामना व्यक्त करलै ।
चैतन्य योग केन्द्रसे समुदायमे योगके चेतना ओ शिक्षा प्रदान करटी योग शिविर तथा प्रशिक्षण कार्यक्रम आयोजना कैना बाट बटैलै ।
चैतन्य पाठशाला योग केन्द्रमे ७ जाने तालिम प्राप्त प्रशिक्षकहुकनहे सम्मान करलै । केन्द्रमे हरेक दिन सकारे ५ बजेसे ६ः३० सम सर्व साधारणहे निःशुल्क योग अभ्यास कराजाइठ ।
