थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०२ सावन २६४८, बुध ]
[ वि.सं २ श्रावण २०८१, बुधबार ]
[ 17 Jul 2024, Wednesday ]

सहास नेपालसे कैलारीमे संचालित परियोजनाके समिक्षा

पहुरा | २० असार २०८१, बिहीबार
सहास नेपालसे कैलारीमे संचालित परियोजनाके समिक्षा

पहुरा समाचारदाता
हसुलिया, २० असार ।
सहयोगी हातहरुको समुह (सहास नेपाल)से कैलारी गाउँपालिकामे ‘स्थानीय प्रयासमा खाद्य सुरक्षा रुपान्तरण (लिफट) परियोजना ओ वृक्षारोपण परियोजना’ अन्र्तगत संचालित गतिविधिके समिक्षा कैगिल बा ।

कैलारी गाउँपालिका अध्यक्ष राजसमझ चौधरीके प्रमुख आतिथ्यता ओ गाउँपालिका उपाध्यक्ष भगवतीकुमारी चौधरीके विशिष्ट आतित्थ्यतामे दुनु परियोजनासे कैलारीके टमान वडामे संचालित गतिविधिके समिक्षा कैगिल हो । समिक्षा कार्यक्रममे स्थानीय प्रयासमा खाद्य सुरक्षा रुपान्तरण (लिफट) परियोजनासे कैगिल गतिविधिबारे प्रस्तुतीकरण सहास नेपालके परियोजना अधिकृत नरेश चौधरी करल रहिट ।

ब्रेड फर ड वल्र्ड,जर्मनीके सहयोगमे यी परियोजना अवधी जुलाई २०२२ से जुन २०२५ सम रहल उहाँ बटैलै । यी परियोजनासे वडा नं १,३,४,७ ओ ८ (३९ समूह)के प्रत्यक्ष लाभांवित ९०० घरधुरी रहल उहाँ बटैलै । परियोजनासे सम्पन्न हुइल क्रियाकलापमे धानके जात छनौटमे ६ ठो स्थानीय धान (झुम्का, उज्जर अन्दी, अन्जना, लालचन्द, घ्युपुरि ओ सौठ्यारी) वितरण करल रहे । गोहुँके जात छनौटमे ४ ठो गोँहुके जात (वाण गंगा, विजय, आदित्य, एन.एल ९७१) वितरण करल रहे । स्थानीय बाली संरक्षणके लाग दर्ता प्रक्रिया, कृषकहे प्रविधि हस्तान्तरण, प्लाष्टिक घर निर्माण सहयोग २० ठो, घर बगैचा निर्माणमे सहयोग, खानेपानीके लाग नल्का सहयोग २२ ठो, फिल्टर ११२ ठो ओ करेसाबारी सिचाईके लाग ०.५ एच.पी मोटरसहित पाईप ७० जनहनहे सहयोग हुइल बा ।

सोलार सिचाई योजना सहयोग कैलारी ८ पूर्वटेढी, सिचाईके लाग बोरिङ सहयोग १८ ठो ( वडा नं ४ मे १२ ओ वडा नं ३ मे ६ ठो ), सामुहिक खेती प्रर्वद्धनके लाग २ ठो समूहमे मिनी टिलर सहयोग, मातृ शिशु स्वास्थ्य तालिम, बालबालिकाके स्यहारमे पुरुषके सहभागिता ओ उहीसे पोषणमे पारे सेक्ना प्रभावबारे अध्ययन, बच्चाहुकनके स्वास्थ्य प्रतिस्पर्धा कार्यक्रम वडा नं ३ ओ ७, महिलाहुकनके पाठेघर तथा प्रजनस्वास्थ्य शिविरः वडा नं १,२,४ ओ ९ मे हुइल रहे ।

बंगुरके खोर सुधार ४५ ठो ओ प्रत्येक वडामे पशुपालन तालिम, गाउँपालिका स्तरीय टमान दिवसिय कार्यक्रममे सहयोग, स्थानीय खाना प्रर्दशनी तथा माघ मिलन कार्यक्रम, वाड नं ४, कैलारी गा.पा, कैलारी गाउँपालिका वडा नं ४ ओ सहास नेपालके साझेदारीमे ३ महिने सिलाई कटाई तालिम, परियोजनाके दातृ निकाय ब्रेड फर ड वल्र्डसे अनुगमन, पालिका स्तरीय संयुक्त अनुगमन, एस.एम.एससे मौसम सम्वन्धी जानकारी डेहल रहे ।

परियोजनाके मुख्य उपलब्धी सामाजिक परिवर्तन, संस्थागत विकास, आर्थिक शसक्तिकरण, स्थानीय नीति तथा रणनीति, पोषण सुधार हुइल परियोजना संयोजक बटैलै । सामाजिक परिवर्तनसे समूहके सदस्यहुकनमे एकता हुइल बा । आत्म विश्वास बह्रल, बचत कैना बानीके विकास, सम्वन्धित ठाउँमे समस्या राखे सेक्ना, नेत्तृत्व विकासमे वृद्धि, बोले सेक्ना क्षमतामे वृद्धि, भेदभाव कैना चलनके अन्त्य करले बटै ।

संस्थागत विकाससे समूह दर्ता, समूहसे प्यान नं लेके काम कैना सुरुवाट करले बटै । अपन आवश्यकता योजना सम्वन्धित निकायमे पेश करे लागल बटै । समूह नियम बनाके संचालन करले बटै । माईनट तथा चिठ्ठी लिखे सेक्ना हुइल बटै ।
आर्थिक शसक्तिकरणसे सामूहिक रुपमे १.५ कठ्ठा सयपत्रिफुल खेती करके १ लाख २ हजार रुपैया आम्दानी करले बटै । उ समूहमे प्लाष्टिक जन्य मालाके प्रयोगमे कमि हुइल बा ।

५६ जाने कृषकहुक्रे २० से ३० हजारप्रति सिजन टिना ब्रिकी करके आम्दानी कैना करल बटै । कलेसे ३ ठो समूहसे सामुहिक रुपमे टिना उत्पादन करके विक्री करले बटै । संगसंगे गैर कृषि जैसिन आरण पेशा, ब्युटि पार्लर, पशु ग्रामीण, स्वास्थ्य कार्य कर्ता, सिलाई कटाईमे अग्रसर हुइना मौका पाके आयस्रोत बह्रैना अवसर प्रदान हुइल बा ।

ओस्टेक वृक्षा रोपण परियोजनासे संचालित गतिविधिबारे प्रस्तुतीकरण बन प्राविधिक विप्लव चौधरी करल रहिट । वृक्षारोपण परियोजना दातृ निकाय फेल्म नेपाल रहल बा । जुलाई २०२२ से जुन २०२५ सम परियोजना अवधी रहलमे प्रत्यक्ष लाभांबित २९३ घरधुरी रहल ओ परियोजना कार्य क्षेत्र वडा नं ३, ४, ७ रहल (४ सामुदायिक वन उपभोक्ता समूह) उहाँ बटैलै ।

परियोजनाके मुख्य क्रियाकलापमे घेरवार कार्यक्रम, नल्का जडान तथा साल उत्पादन परिक्षण, फलफुल तथा अन्य विरुवा वितरण, बृक्षारोपण, बृक्षारोपण क्षेत्रमे गेट निर्माण तथा बाँसके नर्सरी ब्यवस्थापन सम्वन्धि तालिम, टमान मेरके १२ हजार ८७५ टेलुवा वितरण ओ वृक्षरोपण कैगिल बा । परियोजनासे सामाजिक परिवर्तनमे महिला सशतिmकरण नेतृत्व, श्रमयोगदान, समूह एकता, जलवायु मैत्री वातावरण निर्माण हुइल बा ।

कार्यक्रममे गाउँपालिका अध्यक्ष राजसमझ चौधरी परियोजनाके गतिविधि मजा रहल कहटी कार्यक्षेत्र विस्तार कैना आग्रह करलै । कार्यक्रममे वडा अध्यक्षहुक्रे, प्रमुख प्रशासकीय अधिकृत खगेन्द्रराज जोशी, सामाजिक विकास शाखा प्रमुख यगम कलेल सहास नेपालके नरबहादुर जिरेल, स्वास्थ्य प्राविधिक माया चौधरी, कृषि प्राविधिक नवराज चौधरी, लगायत शाखाके प्रमुखहुकनके सहभागिता रहल रहे ।

जनाअवजको टिप्पणीहरू