स्थानीय शिक्षा योजना अध्ययन प्रतिवेदन सार्वजनिक तथा अन्तरक्रिया

पहुरा समाचारदाता
धनगढी, १५ असार । स्थानीय शिक्षा योजना अध्ययन प्रतिवेदन सार्वजनिक तथा अन्तरक्रिया अँटवारके रोज धनगढीमे सम्पन्न हुइल बा ।

शिक्षाका लागि राष्ट्रिय अभियान (एनसिई)नेपालके आयोजनामे एक्सेस परियोजना अन्र्तगत सुदूरपश्चिम, कर्णाल ीओ मधेश प्रदेशके सीमान्तकृत बालबालिकके शिक्षामे पहुँच प्रवद्र्धन कैना नागरिक समाजके भूमिका सुद्धीकरण करेक लाग स्थानीय शिक्षा योजना अध्ययन प्रतिवेदन सार्वजनिक तथा अन्तरक्रिया कैगिल हो ।

शिक्षाका लागि राष्ट्रिय अभियान (एनसिई)नेपालके केन्द्रीय उपाध्यक्ष राम प्रवेश सक्कुहुनके शिक्षामे समतामुलक पहुँचके अवसरहे प्रवद्र्धन कैना ओ शिक्षा क्षेके सुद्धढीकरणमे नागरिक समाजके सहभागिता वृद्धि कैना योगदान पुगाइक लाग काय करटी रहल बटैलै ।

शिक्षाका लागि राष्ट्रिय अभियान (एनसिई)नेपालके परियोजना संयोजक प्रकाश महर्जन यी परियोजना सन २०२४ मे महिनासे २०२७ अक्टोबरसम तीन प्रदेशके ४१ ठो जिल्लामे कार्य विस्तार करल जनैलै । उहाँ सुदूरपश्चिम प्रदेश, कर्णाली प्रदेश ओ मधेश प्रदेशमेके ६० ठो स्थानीय तहमे कार्य करटी रहल जनैटी पहिल बरस २२ ठो स्थानीय सरकार, दुसरा बरस २० ठो स्थानीय सरकारमे काम करल ओ टिसरा बरस १८ ठो स्थानीय सरकारमे काम कैना जनैलै ।

शिक्षाका लागि राष्ट्रिय अभियान (एनसिई)नेपालसे शिक्षामे लगानीके विषयमे आपन पोजिसन कुल राष्ट्रिय बजेटके कम्तीमे २० प्रतिशत ओ कुल ग्राहस्थ उत्पादनके ४ से ६ प्रतिशत शिक्षामे लगानी करेपर्ना कहल बा ।

लैङिक उत्तरदायी ओ जलवायु उत्तरदायी बजेट सुनिश्चित करेपर्ना, करछलि ओ चुहावट नियमन करेपर्ना, वित्तीय व्यवस्थापनके लागि प्रगतीशिल कर प्रणाली लागु करेपर्ना, बजेट खर्चके संयन्त्रमे पारदर्शिता अभिवृद्धि कैना, बजेट निर्माण प्रक्रियामे सक्कु सरोकारवालाहुकनके संलग्नता बह्राईपर्ना, बजेट उपयोगमे प्रभावकारिता बह्राइपर्ना अदान लेहल उहाँ जनैलै ।

स्थानीय शिक्षा योजना अध्ययन प्रतिवेदन टोली सदस्य निता गुरुङ अध्ययनके मुख्य उद्देश्य समावेशिता तथा लैङिक समानता, अपाङगता तथा सामाजिक समावेशीकरण (जेडसी) के दृष्टिकोणसे स्थानीय शिक्षा योजनाके समिक्षा कैना रहल जनैली ।
शिक्षा योजना निर्माणा तथा कार्यान्वयनमे समावेशितासंग सम्बन्धित सवल पक्ष, सुधार करेपर्ना पक्ष तथा अवसर पहिचान कैना, लैङिक समानता, सामाजिक समावेशीकरण तथा अपाङगता समावृेश दृष्टिकोणसे योजनाके प्रभावकारी कार्यान्वयनके लाग स्थानीय सन्दर्भ अनुकुल सिफारिस प्रदान कैना अध्यनन प्रतिवेदनसे लक्ष्य लेहल टोली सदस्य गुरुङ बटैली ।

तीन बरसके प्रतिफल विद्यालय बाहेर रहल विशेष करके अपाङगता हुइल, बालिका ओ सीमान्तकृत समुदायके विद्यार्थीहुकनके निशुल्क गुणस्तरीय ओ समावेशी शिक्षामे पहुँच वृद्धि हुइना, ६० ठो स्थानीय तहमे ६० ठो बालिका तथा समावेशी शिक्षा सञ्जाल क्रियाशिल हुइनाके साथे १०० ठो विद्यालयमे विद्यालय सुधार योजना, ६५ ठो विद्यालयमे गुनासो सुनुवाई संयन्त्रके विकास तथा परिमार्जन हुइना कहल बा ।

ओस्टेक करके ६० ठो स्थानीय तहमे विद्यालय शिक्षा क्षेत्र योजनाके कार्यान्वयन हुके योजनाहे विनियोजन करल बजेटके सदुपयोग, १२० ठो नागरिक समाजके प्राविधिक ओ संस्थागत क्षमता वृद्धि, २५ ठो नागरिक समाजसे विद्यालय क्षेत्र शिक्षा योजना कार्यान्वयनमे प्रभावकारी गतिविधि संचालन कैना एफएसटिपी प्रदान कैना, १२ ठो लक्षित स्थानीय तहमे सिभिक मोडल परिक्षण कहल बा ।

कार्यक्रममे सहजीकरण शिक्षाका लागि राष्ट्रिय अभियान (एनसिई)नेपालके जिल्ला संयोजक हर्कबहादुर ओली करल रहिट ।