२३औं राष्ट्रिय धान दिवस तथा रोपाइ महोत्सव मनागिल
पहुरा समाचारदाता
धनगढी, १५ असार । कैलाली जिल्लाके कैलारी गाउँपालिका वडा नम्बर ७ नारायणपुरमे २३औं राष्ट्रिय धान दिवस तथा रोपाइ महोत्सव २०८३ मनाइल बा ।
जलबायुमैत्री प्रविधि, धानमा आत्मनिर्भरता ओ समृद्धि कना मुल नारा सहित रोपाई महोत्सव मनाइल हो ।
भूमि व्यवस्था कृषि तथा सहकारी मन्त्रालय कृषि विकास निर्देशनालय कृषि ज्ञान केन्द्र धनगढी कैलालीके आयोजनामे कार्यक्रम हुइल रहे ।
कार्यक्रममे जिल्ला समन्वय समिति कैलालीके प्रमुख टीका कुमारी चौधरी भूल, कैलारी गाउँपालिकाके प्रमुख राजसमझ चौधरी, उपप्रमुख भगवती कुमारी चौधरी, प्रमुख प्रशासकीय अधिकृत दलबहादुर धामी लगायत जनप्रतिनीधी, कर्मचारी ओ कृषकहुकनके उपस्थिति रहल रहे ।
उहे अवसरमे कैलालीके ३ जाने किसानहे भीमदत्त कृषक पुरस्कार–२०८३ से पुरस्कृत करल बा । ओइनहे कृषि ज्ञान केन्द्र कैलालीसे नगद ओ कदरपत्र सहित पुरस्कृत करल हो ।
पुरस्कृत हुइलमे घोडाघोडी नगरपालिका–२ के माछा पालक किसान मनोज खनाल, घोडाघोडी–४ के धनबहादुर चौधरी ओ चुरे गाउँपालिका–१ के रिताकुमारी देउवा बटै । ओइनहे जिल्ला समन्वय समिति प्रमुख टीकाकुमारी चौधरी भूल नगद २५ हजार, कदरपत्र ओ दोसल्ला ओढाके पुरस्कृत करल रहिट ।
